وزیر خزانہ ءَ ڈی ایف سی ءِ نمائندگاں گوں گند ءُ نند کتگ، اولویت ءِ شعبہ آنی تہ ءَ تنظیم ءِ سرجمیں کمک ءِ واھشت ءِ درشان

اسلام آباد۔22جولائی  (اے پی پی): وزیر ءِ ھزانگ ءُ ریونیو ءِ سینیٹر محمد اورنگزیب ءَ واشنگٹن ڈی سی ءَ امریکی انٹرنیشنل ڈویلپمنٹ فنانس کارپوریشن ءِ نمائندگ آنی گوما گند ءُ نند کتگ ایشی ءِ تہ ءَ آئی ءَ توانائی، آئی ٹی، انفراسٹرکچر، معدنیات، وردن ءُ وراک ءِ وڑیں اولویت مندیں شوبگ آنی تہ ءَ ڈی ایف سی ءِ سرجمیں کمک ءِ واھشت ءِ درشانی کتگ۔ چار شمبے ءِ روچ ءَ فنانس ڈویژن ءِ رد ءَ گند ءُ نند ءِ ساھت ءَ وزیر ءِ ھزانگ ءَ گوشت کہ توانائی، آئی ٹی، انفراسٹرکچر، معدنیات، وردن ءُ زراعت ءِ وڑیں اولویت مندیں شوبگ آنی تہ ءَ ڈی ایف سی ءِ سرجمیں کمک ءِ واھشت مند آں ۔ وزیر ءِ ھزانگ ءَ ڈی ایف سی ءِ بندرگاہ، ٹیلی کمیونیکیشن، آئی ٹی، توانائی، معدنیات، دواسازی، مینوفیکچرنگ ءُ سپلائی چین ءِ گہتری ءِ وڑیں ھاسیں شوبگ آنی سر ءَ ھاسیں دلگوشی ءِ وش اتک کت ءُ گوشت کہ بُرز ءِ شوبگ آنی سر ءَ ڈی ایف سی ءِ دلگوشی حکومت پاکستان ءِ دیمروئی ءِ اولیت آنی رد ءَ اِنت۔ آئی ءَ ڈی ایف سی ٹیم ءَ را پاکستان ءِ تر ءُ تاب ءِ دعوت دات کہ آ سرمایہ کاری ءِ لائقیں منصوبگ آناں پجارینگ ءُ سیادی داروکیں شریک آنی گوما قابل عمل کاروباری منصوبگ جوڑ بہ کن اَنت۔ گند ءُ نند ءَ پاکستان ءَ ڈی ایف سی ءِ نمائندگی ءِ جوڑ کنگ ءُ آیوکیں وھد ءَ امریکی کانگریس ءِ ڈل آنی گوما ھوار بوھگ ءِ بابت ءَ ھم گپ ءُ تران کنگ بوت۔