نائب مزن وزیر ءَ منیلا ءَ روس ءِ دری کارانی وزیر ءَ گوں گند ءُ نند کت، کثیر جہتی فورم آنی تہ ءَ دو نیمگی رابطہ آناں مھکم کنگ ءِ جزم ءِ  درشان

منیلا ۔22جولائی  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ چار شمبے ءِ روچ ءَ  منیلا ءَ 33می آسیان ءِ دمگی فورم ءِ باز  نیمگی وزارتی دیوان ءَ چہ پیسر ءَ روس ءِ درئی کارانی وزیر سرگئی لاوروف  ءَ گوں گند ءُ نند کتگ ءُ دو نیمگی یکوئی  آنی جزم ءِ درشان کتگ۔ درئی کارانی کارگس ءِ رد ءَ دوئیں رہشون آں پاکستان ءُ روس ءِ نیام ءَ دو نیمگی سیادی آنی سر ءَ چار ءُ تپاسی کتگ ءُ کثیر نیمگی فورم آنی تہ ءَ تجارت، توانائی، کنیکٹوٹی ءُ ایندگر کلیدی شوبگ آنی تہ ءَ کمک ءَ را گیش دیمروئی دیگ ءِ واستہ وتی جزم ءِ پدا پدر کتگ۔ آہاں اے گپ ءِ سر ءَ زور پر دات کہ پاکستان ءُ روس ءِ شریکداری ءِ دیمروئی ءِ واستہ مزن تک ءِ رابطہ آنی برجائی سک باز المی اِنت۔ دوئیں رہشوناں دمگی ءُ میاں اوستمانی ھاسیں دیمروئی آنی سر ءَ ھم گپ ءُ تران کت ءُ وت مہ وتی رابطہ آنی برجاہ دارگ ءِ سر ءَ تپاک کت۔