وفاقی وزیر خزانہ ءَ امریکی ھمکار ءَ گوں گند ءُ نند کتگ، اقتصادی کمک ءَ را گیش کنگ، سرمایہ کاری ءَ را گیش کنگ ءُ اسٹریٹجک منصوبگ آنی دیمروئی ءَ را دل یکیمی کنگ ءِ جزم ءِ درشانی

واشنگٹن ڈی سی۔22جولائی  (اے پی پی): وفاقی وزیر خزانہ ءُ ریونیو سینیٹر محمد اورنگزیب ءَ واشنگٹن ڈی سی ءَ وتی امریکی ھمکار اسکاٹ بیسنٹ ءَ گوں گند ءُ نند کتگ ایشی ءِ تہا آہاں اقتصادی کمک ءَ را دیمروئی دیگ، امریکی سرمایہ کاری ءَ را گیش کنگ ءُ اسٹریٹجک منصوبگ آنی دیمروئی ءَ را دل یکیمی کنگ ءِ واستہ وتی جزم ءِ درشانی کتگ۔ خزانہ ڈویژن ءِ رد ءَ وزیر خزانہ ءَ امریکی ھمکار ءَ را میکرو اکنامک استحکام ءَ چہ پائیدار ءُ برآمدات ءِ سروکی ءَ دیمروئی ءِ نیمگ ءَ پاکستان ءِ سفر ءِ بابت ءَ سرپد کت۔ ھزانگ ءِ وزیر ءَ دمگی جاور ھال آنی پاکستانی معیشت ءِ سر ءَ ردیں اثر آنی سر ءَ ھم زور پر دات۔ آئی ءَ گوشت کہ آ سوورن کریڈٹ ریٹنگ ءِ تہ ءَ گیشی ءِ بنیاد ءَ میاں اوستمانی سرمایہ کاری مارکیٹ آنی تہ ءَ جوانیں رسائی، زرّ ءِ ذخیرہ آنی تہ ءَ گہتری ءُ مارکیٹ ءِ رسائی ءِ رد ءَ امریکی کمک ءِ لوٹ کنگ ءَ اَنت۔ گند ءُ نند ءَ دوئیں نیمگاں اقتصادی کمک ءَ را گیش کنگ، امریکی سرمایہ کاری ءَ را گیش کنگ ءُ اسٹریٹجک منصوبگ آنی دیمروئی ءَ را دل یکیمی کنگ ءِ ھاترا وتی جزم ءِ درشانی کتگ۔