پٹرولیم ءِ وزیر، یو ایف پی ای سی   ءِ نائب صدر آپریشن ءَ گوں گند ءُ نند کتگ، یکے دومی ءِ کمک ءُ سرمایہ کاری ءِ دیمروئی ءِ موہ آنی سر ءَ گپ ءُ تران

اسلام آباد۔21جولائی  (اے پی پی): پٹرولیم ءِ وفاقی وزیر علی پرویز ملک ءَ کویت ءِ درملکی پٹرولیم ایکسپلوریشن کمپنی ءِ نائب صدر آپریشن طارق ابراہیم ءَ گوں گند ءُ نند کتگ، ایشی ءِ ساھت ءَ پاکستان ءِ پٹرول ءِ سیکٹر ءَ وت مہ وتی کمک ءُ سرمایہ کاری ءِ دیمروئی ءِ موہ آنی سر ءَ گپ ءُ تران کتگ۔ پٹرولیم ڈویژن ءِ جارکش ءِ رد ءَ وفاقی وزیر ءَ گوشت کہ کویت پاکستان ءِ نزیکیں سنگت اِنت ءُ دوئیں ملک آنی نیام ءَ پنجاہ سال ءَ چہ گیش اِنت کہ توان ءِ شوبگ ءَ مھکمیں شریکداری اِنت۔ آئی ءَ وتی جزم ءِ درشان کت کہ حکومت اے دیریں سیادی ءَ را گیش مھکم کنگ ءِ واستہ ھمک رنگ ءِ گامگیج ءَ برجاہ دار ایت۔ طارق ابراہیم ءَ سرمایہ کاری ءِ موہ پجارینگ ءِ تہ ءَ حکومت ءِ کمک ءِ سر ءَ وفاقی وزیر ءِ منت گپت ءُ گوشت کہ کوفپیک ءَ پاکستان ءِ اپ سٹریم توانائی ءِ شوبگ ءَ وتی ھست ءُ سرمایہ کاری ءَ را گیش وسعت دیگ ءِ سرجمیں گنجائش است انت۔ وفاقی وزیر علی پرویز ملک ءَ کویت ءِ درملکی پٹرولیم ایکسپلوریشن کمپنی ءَ را پاکستان ءِ حکومت ءِ سرجمیں کمک ءِ دل یکیمی دات ءُ گوشت کہ حکومت پٹرولیم ءِ شوبگ ءَ میاں اوستمانی سرمایہ کار آنی واستہ سازگار، شفاف ءُ سرمایہ کار دوستیں چاگرد ءِ پجارینگ ءِ واستہ جزم انت۔