بنجاھی وزیر منصوبہ بندی ءُ  بنجاھی وزیر جان سلامتی ءِ سروکی ءَ مزن تکی  دیوان،  راجی آباتی  برجائی  منصوبگ 2036-2026 ءِ بنگیجی مسل آنی سر ءَ سرجمیں چار ءُ تپاسی گرگ بوت

اسلام آباد۔21جولائی  (اے پی پی): وفاقی وزیر ءِ منصوبہ بندی ءُ وفاقی وزیر جان سلامتی ءِ سروکی ءَ مزن تک ءِ دیوان برجم دارگ بوت، ایشی ءِ تہ ءَ راجی آبادی ءِ برجائی  ءِ منصوبگ 2026-2036 ءِ  بنگیجی  مسل آنی  سر ءَ سرجمیں چار ءُ تپاسی کنگ بوت۔ گند ءُ نند ءِ ساھت ءَ راجی آبادی ءِ برجائی  ءِ منصوبگ 2026-2036 ءِ بنداتی مسودہ ءِ سر ءَ سرجمی ءَ گپ ءُ تران کنگ بوت۔ اے گپ ءِ سر ءَ تپاک کنگ بوت کہ منصوبگ ءِ گڈی مسودہ وزارت ءِ منصوبگ بندی ءُ وزارت ءِ راجی جان سلامتی ءِ نیمگ ءَ یکجائی ءَ تیار کنگ بیت۔ دیوان ءَ اے ھم پیسلہ کنگ بوت کہ گڈی مسودہ ءِ منظوری ءُ شور ءُ سلاھ ءِ واستہ درستیں صوبگ آناں روان دیگ بیت، ایشی ءَ پد اے راجی آبادی کونسل ءَ را گیشیں چار ءُ تپاسی ءِ واستہ پیش کنگ بیت۔ دوئیں وفاقی وزیراں ملک ءِ دیم ءَ اوشتاتگیں آبادی ءِ گیشی ءِ چیلنج ءَ را جوانیں رنگ ءَ گیش ءُ گیوار کنگ ءِ وتی جزم  ءِ پدر کنگ ءَ گوشت کہ یک منسجمیں راجی حکمت عملی ءِ پائیدار آبادی ءِ برجائی  ءُ چاگردی ءُ اقتصادی دیمروئی ءِ مول ءُ مراد آنی سر ءَ سر بوھگ ءِ واستہ المی اِنت۔ آہاں اے گپ ءِ سر ءَ زور پر دات کہ منصوبگ ءِ جوانیں رنگ ءَ سرجمی ءِ واستہ وفاقی ءُ صوبائی حکومت آنی نیام ءَ نزیکیں کمک، جوانیں ھمگرنچی ءُ ھمگرنچی ءِ سک باز ارزشتی اِنت۔ دیوان ءَ سیکرٹری بهداشتی درمانی ، ڈی جی آبادی ، باسک (آبادی) ، وزارت ءِ منصوبہ بندی ءُ دگہ تعلقداریں کارندہ   آں  بہر زرتگ۔