گلگت بلتستان ءِ الس ءِ وشھالی ءِ واستہ نوکیں گچین بوتگیں حکومت ءِ گوما کار کنگ ءِ جزم انت، مزن وزیر شہباز شریف

اسلام آباد۔21جولائی  (اے پی پی):مزن وزیر محمد شہباز شریف ءَ گوشت کہ وفاقی حکومت گلگت بلتستان ءِ دیمروئی ءِ واستہ قابل تجدید توان، بجلی، بنیاتی ڈھانچہ، جان سلامتی، وانگ ءُ زانگ ءُ اے دگہ دیمروئی منصوبگ آنی رد ءَ گامگیج کنگ ءَ انت۔ آئی ءَ گلگت بلتستان ءِ الس ءِ وشھالی ءِ واستہ نوکیں گچین بوتگیں حکومت ءِ گوما کار کنگ ءِ واستہ جزم انت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ گلگت بلتستان ءِ سر وزیر امجد حسن ءَ ادا مزن وزیر محمد شہباز شریف ءَ گوں گند ءُ نند کتگ۔ مزن وزیر ءَ امجد حسن ءَ را گلگت بلتستان ءِ سر وزیر ءِ اگدہ ءِ سر ءَ نندگ ءِ پد ءَ مبارکی دات۔ گند ءُ نند ءَ گلگت بلتستان ءِ سر وزیر ءَ مزن وزیر ءَ گوں گلگت بلتستان ءِ معاملہ آنی بابت ءَ حیال ءُ لیکہ درشان کت۔ مزن وزیر ءَ گوشت کہ وفاقی حکومت گلگت بلتستان ءِ الس ءِ گہبود ءِ واستہ نوک گچین بوتگیں حکومت ءِ گوما کار کنگ ءَ انت۔ وفاقی حکومت ءِ جہد انت کہ آ محنت ءَ کار بہ کنت، وفاقی حکومت گلگت بلتستان ءِ وشحالی ءِ ھاتر ءَ قابل تجدید توانائی، تعمیراتی، انفراسٹرکچر، جان سلامتی، وانگ ءُ زانگ ءُ ایندگر دیمروئی منصوبگ آنی رد ءَ گامگیج زورگ ءَ انت۔ مزن وزیر ئَ گوشت کہ وفاقی حکومت ئِ منصوبگ ایشی ئِ تہ ئَ 100 میگاواٹ ئِ شمسی توان ئُُ ڈنّی اسکول آنی برجائی لڑ ئِ سر ئَ انت۔ وفاقی حکومت گلگت بلتستان آسن خدمت سنٹر ءِ جوڑ کنگ ءِ منصوبہ بندی کنگ ءَ انت تانکہ گلگت بلتستان ءِ مہلوک ءَ را آسراتی بہ دنت۔ گند ءُ نند ءَ نائب مزن وزیر ءُ دری کارانی وزیر محمد اسحاق ڈار، منصوبہ بندی ءِ وزیر احسن اقبال ءُ اقتصادی کارانی وزیر احد خان چیمہ  ءَ ھم بھر زوری کتگ۔