ریلوے ءِ وفاقی وزیر ءَ بلجیم ءِ راجی روچ ءِ درگت ءَ شاہ  فلپ ، حکومت ءُ مہلوک ءَ را مبارک بات  داتگ

اسلام آباد۔21جولائی  (اے پی پی): ریلوے ءِ وفاقی وزیر محمد حنف عباسی ءَ بیلجیم ءِ راجی روچ ءِ درگت ءَ بادشاہ فلپ، بلجیم ءِ حکومت ءُ بلجیم ءِ الس ءَ را دل ءِ جہلانکی ءَ چہ مبارکی ءُ نیکیں واھگ آنی پیغام دیم داتگ۔ یک ھاسیں بابے ءِ تہ ءَ وفاقی وزیر ءَ پاکستان ءُ بیلجیم ءِ نیام ءَ دیریں سیادی آناں ساڑات ءُ گوشت کہ دوئیں ملک آنی نیام ءَ دوستی، وت مہ وتی احترام ءُ کمک ءِ بنیات ءَ جوڑ بوتگیں سیادی وھد ءِ گوزگ ءَ گوں گیش مھکم ءُ مھکم بوتگ انت۔ آئی ءَ اے جزم ءِ یک رندے پدا گوشت کہ پاکستان معیشت، تجارت، سیل ءُ سواد ءُ مردم آنی نیام ءَ رابطہ ءَ ھوار بازیں ھاسیں شوبگ آنی تہ ءَ بیلجیم ءِ گوما دو نیمگی کمک ءَ را گیش وسعت دیگ ءِ واھشت مند اِنت۔ محمد حنیف عباسی ءَ گوشت کہ بیلجیم یورپی یونین ءِ تہ ءَ پاکستان ءِ سک باز ھاسیں شریک انت ءُ دوئیں ملک آنی نیام ءَ وت مہ وتی کمک، تجارت ءُ اقتصادی دیمروئی ءِ واستہ نوکیں موہ است انت، ایشی ءَ چہ سرجمی ءَ پائدگ چست کنگ بوت کنت۔ ریلوے ءِ وفاقی وزیر ءَ پاکستان ءُ بیلجیم ءِ نیام ءَ دو نیمگی سیادی آناں گیش مھکم کنگ، جھان ءِ امن ءُ ایمنی ءُ یکجائی وشھالی ءِ واستہ ھم نیکیں واھگ آنی درشان کت۔