نائب مزن وزیر ءَ حکومتی کارکردگی ءِ گہتری ءِ بابت ءَ کمیٹی ءِ دیوان ءِ سروکی کت، مزن وزیر ءَ را پیش کنگ ءِ سفارش آناں منظوری

اسلام آباد۔10جولائی  (اے پی پی): حکومتی کارکردگی ءَ را گہتر کنگ ءِ واستہ گہتری کار آنی  سفارش آناں گڈی رنگ داتگ۔ حکومتی کارکردگی ءَ را گہتر کنگ ءِ ھوالگ ءَ کمیٹی ءِ دیوان اسلام آباد ءَ نائب مزن وزیر ءُ دری کارانی وزیر سینیٹر  محمد اسحاق ڈار ءِ سروکی ءَ برجم دارگ بوت ایشی ءِ تہ ءَ حکومتی نظام ءَ را گیش موثر ءُ نوکیں جوڑ کنگ ءِ واستہ گہتری کار ءِ تجویز آنی سر ءَ چار ءُ تپاسی کنگ بیت۔ جمعہ ءِ روچ ءَ درئی کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ دیوان ءَ پنچ کارگس ءِ نیمگ ءَ پیش کتگیں سفارش آنی سر ءَ سرجمیں رنگ ءَ گپ ءُ تران کنگ بوتگ ءُ آ گڈی رنگ ءَ جوڑ کنگ بوتگ اَنت۔ اے سوج آنی تہ ءَ وفاقی سیکرٹریٹ ءِ نوکیں رنگ ءَ جوڑ کنگ، ای آفس ءَ را نوکیں ڈیٹا پروسیسنگ سسٹم ءَ بدل کنگ، ایم ایس ونگ ءَ گہتری کار، کارکردگی ءِ چار ءُ تپاسی ءِ رپورٹنگ سسٹم ءَ را گہتر کنگ ءُ سرجمیں سرکاری ادارگ آنی تہ ءَ یک ھمگرنچیں حکمت عملی ءِ دیمروئی ھوار اِنت۔ کمیٹی ءِ نیمگ ءَ منظور کتگیں سفارش آناں گیش چار ءُ تپاسی ءُ منظوری ءِ واستہ مزن وزیر ءَ را پیش کنگ بیت۔ ایشی ءِ تہ ءَ پٹرولیم ءُ آئی ٹی اینڈ ٹیلی کمیونیکیشن ءِ وفاقی وزیر، مزن وزیر ءِ ھاسیں کمکار طارق باجوہ، کابینہ، اسٹیبلشمنٹ، اقتصادی کار ءُ ٹیلی کمیونیکیشن ءِ وفاقی سیکرٹری ءُ ایندگر سیادی داروکیں کارندہ آں بھر زوری کت۔