اسلام آباد۔30جون (اے پی پی): پیسریگیں دری کارانی وزیر ءُ پاکستان پیپلز پارٹی ءِ باسک راجی اسمبلی حنا ربانی کھر ءَ گشتگ کہ سندھ ءِ آپ ءِ منوگری ءِ سرا بھارت یک نیمگی ہچ وڑیں پیسلہ کت نہ کنت، یورپی ملکاں ھوار دگہ ملک اے جیڈھ ءِ گیواری ءِ ھاتر ءَ وتی کرد ءَ پیلو بہ کن انت۔ آئی ءَ اے ھیالانی درشانی سئے شمبے ءِ روچ ءَ ادا برجم …
بھارت سندھ ءِ آپ ءِ منوگری ءِ سرا یک نیمگی ہچ وڑیں فیصلہ کت نہ کنت، حنا ربانی کھر
گیشتریں ھال
اسلام آباد۔30جون (اے پی پی): پیسریگیں دری کارانی وزیر ءُ پاکستان پیپلز پارٹی ءِ باسک راجی اسمبلی حنا ربانی کھر ءَ گشتگ کہ سندھ ءِ آپ ءِ منوگری ءِ سرا بھارت یک نیمگی ہچ وڑیں پیسلہ کت نہ کنت، یورپی ملکاں ھوار دگہ ملک اے جیڈھ ءِ گیواری ءِ ھاتر ءَ وتی کرد ءَ پیلو بہ کن انت۔ آئی ءَ اے ھیالانی درشانی سئے شمبے ءِ روچ ءَ ادا برجم داشتگیں میاں اوستمانی سیمینار ءَ گوں تران کنان ءَ کت۔ آئی ءَ گوشت کہ ھچ ملک یک نیمگی ءَ وت مہ وتی منوگری، میاں اوستمانی کانود ءُ روایات ءَ چہ رھادگ نہ بیت۔ آئی ءَ گوشت کہ بھارت یک دغا کاریں ملکے، آ یک سرجمیں تہذیب ءِ ھلاس کنگ لوٹ ایت بلے اے چوں ممکن اِنت۔ آئی ءَ گوشت کہ سندھ ءِ آپ ءِ منوگری ءِ آرٹیکل 12 ءَ اے گپ پدر اِنت کہ سندھ ءِ آپ ءِ منوگری ءَ را وت مہ وتی توثیق ءِ وسیلگ ءَ ترمیم کنگ بوت کنت۔ آئی ءَ گوشت کہ بھارت ءَ را میاں اوستمانی آمید گس ءَ من اِتگ کہ ھچ ملک اے منوگری ءِ بابت ءَ ایوک ءَ پیسلہ کت نہ کنت۔ آئی ءَ گوشت کہ سندھ ءِ آپ ءِ منوگری یک مثالی ءُ پائیدار منوگری اِنت۔ آئی ءَ گوشت کہ پاکستان ءُ بھارت ءِ ھواریں ملک آنی تہ ءَ موسمی بدلی ءِ دیم ءَ نزور انت بلے لس الس ءَ را ایمنیں آپ ءِ پھجاری ءَ را دل یکیمی کنگ المی انت۔ اے جیڈھ ءِ گیواری ءِ واستہ یورپ ءِ ملکاں ہوار ایندگہ ملک وتی کرد ءَ پیلو بہ کن انت۔
