آپ ءِ رکھینگ پاکستان ءِ قانونی ءُ جائزیں حق اِنت، سندھ ءِ آپانی منوگری ءِ بابت ءَ اولی میاں اوستمانی سیمینار باندا اسلام آباد ءَ برجم دارگ بیت، عطا اللہ تارڑ

اسلام آباد۔29جون  (اے پی پی): وفاقی وزیر ءِ اھوالکاری ءُ شنگکاری عطا اللہ تارڑ ءَ گوشت کہ سندھ ءِ آپانی معاہدہ پاکستان ءِ واستہ سک باز ھاسیں اسٹریٹجک جیڈھ اِنت، اے درگت ءَ پاکستان ءِ موقف نہ ایوک ءَ میاں اوستمانی تک ءَ منگ بوتگ بلکیں ایشی ءِ توثیق ھم کنگ بوتگ۔ آب ءِ رکھینگ پاکستان ءِ قانونی ءُ جائزیں حق اِنت۔ پاکستان ءِ پوزیشن ءَ را میاں اوستمانی دیوان آنی تہ ءَ مزنیں کساسے ءَ مھکم کنگ بوتگ وھدے کہ بھارت ءَ را ھر دیوان ءَ بے شرپی ءِ آماچ بوتگ۔ سندھ ءِ آپانی معاہدہ سرجمی ءَ نافذ کنگ بیت، ایشی ءَ یک نیمگی ءَ معطل یا ترمیم کنگ نہ بیت۔ اے منوگری ءِ جتا جتائیں تک ءُ پہناتانی بابت ءَ سرپدی دیگ ءِ ھاتر ءَ اسلام آباد ءَ اولی میاں اوستمانی سیمینار برجم دارگ بوھگ ءَ اِنت کہ ایشی ءِ تہ ءَ سرجمیں دگنیا ءِ آپ ءُ کانود ءِ کارندہ بھر زور اَنت۔ دو شمبے ءِ روچ ءَ موسمیاتی بدلی ءِ وفاقی وزیر مصادق ملک ءِ گوما پریس کانفرنس ءَ گوں تران کنان ءَ وزیر ءِ اھوالکاری ءَ گوشت کہ سندھ ءِ آپانی منوگری ءِ ھوالگ ءَ پاکستان ءِ موقف ءَ را نہ ایوک ءَ جھان ءِ تک ءَ منگ بوتگ بلکیں اے گپ ءِ ھم پدر کنگ بوتگ کہ آپ ءِ رکھینگ نہ ایوک ءَ پاکستان ءِ واستہ سک باز ارزشت ءِ واھند اِنت ءُ پاکستان ءِ یک قانونی ھک ءِ ھم اِنت۔ آئی ءَ گوشت کہ کانودی لیکہ ءَ چہ میاں اوستمانی تک ءَ پاکستان ءِ بستار ھم مزنیں کساس ءَ مھکم بوتگ پرچا کہ اے معاہدہ ءَ را یک نیمگی ھلاس کنگ یا ھچ رنگ ءَ ترمیم کنگ نہ بیت۔ آئی ءَ گوشت کہ سندھ ءِ آپانی معاہدہ ءِ یک ھاسیں فریم ورک ءِ است انت کہ آ سرجمی ءَ نافذ انت ءُ ایشی ءِ سر ءَ عمل کنگ بوھگ ءَ انت۔ وفاقی وزیر ءِ اھوالکاری ءَ گوشت کہ مزن وزیر محمد شہباز شریف ءُ فیلڈ مارشل سید عاصم منیر ءَ ھمک فورم ءَ اے گپ پدر کتگ کہ آپ پاکستان ءِ جین ءُ لال لائن انت ءُ ایشی ءِ سر ءَ پاکستانی الس ءِ ھک انت۔ آئی ءَ گوشت کہ آپ ءَ گوں سیادی داروکیں منوگری ءَ را باقاعدہ رنگ ءَ پاکستان ءُ بھارت ءِ نیمگ ءَ چہ منگ بوتگ کہ مرچی ھم است انت۔ بھارت ءَ را اے جیڈھ ءِ سر ءَ جتا جتائیں میاں اوستمانی دیوان آنی تہ ءَ شرمندگی ءِ آماچ بوتگ وھدیکہ آئی ءِ موقف ءَ را ھچ فورم ءَ منگ نہ بوتگ۔ آئی ءَ گوشت کہ سندھ آپانی معاہدہ ءِ ھوالگ ءَ باندا اسلام آباد ءَ میاں اوستمانی سیمینار ءِ برجم دارگ بوھگ ءَ انت ایشی ءِ تہ ءَ سرجمیں دگنیا ءَ چہ آپ ءُ کانود ءِ ماھمکین بھر زوری کن انت۔ آئی ءَ گوشت کہ سیمینار ءَ چہ سندھ ءِ آپانی معاہدہ ءِ چیر دستی ءَ آپ ءُ دریا آنی بابت ءَ پاکستان ءِ ھک ءُ ایشانی کانودی بستار ءُ منوگری ءِ جتاجتائیں تک ءُ پھنات آنی بابت ءَ سرپدی دیگ بیت۔ آئی ءَ گوشت کہ اے وتی رنگ ءِ اولی انٹرنیشنل سیمینار انت ایشی ءِ تہ ءَ درملک ءَ چہ بازیں زانتکار ءُ مہمان پاکستان ءَ سر بوتگ انت۔ آئی ءَ گوشت کہ میاں اوستمانی تک ءَ ماھمکین ءَ سندھ ءِ آپانی معاہدہ ءِ ھوالگ ءَ پاکستان ءِ موقف ءُ حق من اِتگ کہ اے بیانیہ ءِ محاذ ءِ سر ءَ پاکستان ءِ مزنیں کامیابی اِنت۔ وفاقی وزیر ءَ گوشت کہ سندھ ءِ آپانی معاہدہ ءِ ھوالگ ءَ پاکستان ءِ موقف سرجمیں دگنیا ءَ منگ بوھگ ءَ انت۔ وفاقی وزیر ءَ یک جست ءِ پسو ءَ گوشت کہ ھرچ شھمک ءِ ماسٹر پلان ءَ سبزیں دمگ ءُ رہائشی دمگ ھوار کنگ بنت۔ جنگل ءِ ھلاسی ءِ ھوالگ ءَ جست ءِ پسو ءَ وفاقی وزیر ءَ گوشت کہ جنگل ءِ ھلاسی ءِ گر ءُ دار ءِ واستہ جوانیں گامگیج کنگ بوھگ ءَ انت، اے ھوالگ ءَ نوٹس ھم جاری کنگ بنت ءُ زمہ واریں عناصر آنی ھلاپ ءَ ھم کارروائی کنگ بوھگ ءَ انت۔ آئی ءَ گوشت کہ جنگل آنی رکھینگ حکومت ءِ اولی ترجی انت، وھدیکہ وفاقی حکومت ءِ ھواری ءَ توامیں صوبائی حکومت ھم درچک کشی ءِ مہم ءِ سر ءَ ھاسیں دلگوشی دیگ ءَ انت۔ وفاقی وزیر ءَ گوشت کہ پاکستان ھما دہ ملک آنی تہ ءَ ھوار اِنت کہ آ موسمی بدلی ءِ شدیدیں اثر آناں آماچ بوھگ ءَ اَنت، اگاں چہ جھان ءِ کاربن ءِ کشگ ءِ تہ ءَ پاکستان ءِ بھر یک درسد ءَ چہ کم اِنت۔ آئی ءَ گوشت کہ حکومت جنگل آنی رکھینگ ءِ واستہ زبردستیں گامگیج کنگ ءَ انت ءُ انشاء اللہ درچک کشت ءِ دیمروئی ءِ واستہ گیش موثر گامگیج کنگ بیت۔ دگہ جست ءِ پسو ءَ وفاقی وزیر ءَ گوشت کہ سندھ ءِ آپ ءِ معاہدہ اے وھد ءَ پاکستان ءِ واستہ سک باز ھاسیں جیڈھ ءُ اسٹریٹجک اولیت انت۔ آئی ءَ گوشت کہ پاکستان ھمک میاں اوستمانی دیوان ءَ وتی موقف جوانیں رنگ ءَ پیش کتگ۔ مزن وزیر محمد شہباز شریف ءَ اقوام متحدہ ءِ جنرل اسمبلی ءَ ھوار ھمک میاں اوستمانی فورم ءَ پاکستان ءِ کیس ھم پیش کتگ وھدے کہ گرین فنانسنگ ءِ تہ ءَ کلیدی کرد پیلو کنوکیں ملک آناں اے ھم سرپدی دیگ بوتگ کہ موسمی بدلی ءِ سبب ءَ پاکستان ءَ را ھمک سال ارباں ڈالر ءِ تاوان برداشت کنگی اِنت۔ آئی ءَ گوشت کہ سیلاب ءَ چہ لاکھوں مردم بے لوگ بنت، وھدیکہ ایشی ءِ سبب ءَ بوتگیں معاشی ءُ انسانی تاوان ھم سک باز انت۔ وفاقی وزیر ءَ گوشت کہ حکومت موسمی مٹ ءُ بدل ءِ اثرات ءَ گوں گر ءُ چیل بوھگ ءِ واستہ وتی وسیلگ آناں کارمرد کنگ ءَ انت۔ آئی ءَ گوشت کہ گوستگیں سیلاب آنی ساھت ءَ اولی رند ءَ پاکستان ءَ میاں اوستمانی کمک ءِ واستہ اپیل نہ کتگ بلے وفاقی ءُ صوبائی حکومت آنی نیمگ ءَ یکجائی ءَ پیسلہ کنگ بوتگ کہ آماچیں مردم آنی بحالی، کمک، آبادی ءُ آفت ءِ گر ءُ دار ءِ واستہ درستیں گامگیج وتی وسیلگ آنی تہ ءَ چہ زورگ بنت۔ آئی ءَ گوشت کہ اے پاکستان ءِ حکومت ءِ زمہ واریں پیسلہ ات۔ آئی ءَ گوشت کہ دگنیا ءِ بازیں ملک آں گرین فنانسنگ فنڈ ءِ ھوالگ ءَ پاکستان ءِ گوما کمک کنگ ءِ جزم ءِ درشان کتگ ءُ جتاجتائیں میاں اوستمانی دیوان آنی تہ ءَ ھم اے ھوالگ ءَ وتی زمہ واری داتگ اَنت، البت پاکستان وتی توان آنی سر ءَ تکیہ کنگ ءَ اِنت۔ آئی ءَ گوشت کہ اقتصادی جاور ھال آنی تہ ءَ گہتری ءِ سبب ءَ پاکستان ءَ وتی وسیلگ آنی گوما ریلیف ءُ ڈزاسٹر مینجمنٹ ءِ گامگیج دیم ءَ برگ سوبین بوتگ۔ ایشی ءَ چہ ابید دگہ ملکے ءَ قدرتی آفت بوت گڈا پاکستان ءَ اودا ہم کمک کنگ ءِ توان است انت۔