پارلیمانی امور ءِ وفاقی وزیر ءَ امریکی سفارتخانہ ءِ کارندہ آں گوں گند ءُ نند کت، پاکستان ءِ جہانی امن ءِ واستہ میانجی ءِ کرد ءِ توسیپ

اسلام آباد۔29جون  (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ گوں دو شمبے ءِ روچ ءَ امریکی سفارت خانہ ءِ کارندہ آں گند ءُ نند کتگ ات ایشی ءِ تہ ءَ منسٹر قونصلر برائے پولیٹیکل افیئرز ٹیری سٹیئرز گونزالیز  ءُ  انٹرنل پولیٹیکل یونٹ چیف کیرن گلوسر  ھوار اتنت۔ امریکی کارندہ ءَ جھان ءِ امن ءِ واستہ پاکستان ءِ میانجی ءِ کرد ءَ را ساڑات۔ وفاقی وزیر طارق فضل چوہدری ءَ گوشت کہ مزن وزیر شہباز شریف ءُ فیلڈ مارشل سید عاصم منیر ءِ کرد ءَ را سرجمیں دگنیا ءَ ساڑاھگ بوھگ ءَ انت۔ آئی ءَ گوشت کہ امریکا ءَ ھوار ایندگہ ملک آنی نیمگ ءَ پاکستان ءِ سفارتی کوشست آناں منگ مئے واستہ شان ءِ گپ اِنت۔ پاکستان دمگ ءَ امن ءِ دیمروئی ءِ واستہ وتی جوانیں کرد ءَ برجاہ دار ایت۔ انشاءاللہ اسلام آباد زوت تپاک نامہ ءَ را گڈی منوگری ءِ تہا بدل کنت۔ ما امریکہ ءُ ایرانی رھشونی ءِ منت وار ایں کہ آیاں پاکستان ءِ سر ءَ دل یکیمی ءِ درشان کُتگ۔ امریکی صدر ڈونلڈ ٹرمپ ءُ نائب صدر جے ڈی وینسی ءَ پاکستانی سروکی ءِ توسیپ ءِ وڑ ءُ پیم ستا کرز اِیت۔ امریکی سفارتکاراں گشتگ کراچی ءَ رینجرز کیمپ ءِ کارگس ءِ سرا اُرش مذمت ءِ لائک انت۔ ما پاکستان ءَ ناشرکاری ءِ ھمک واکیہ آنی تچکیں مذمت ءَ کن ایں ۔ پاکستان ءَ ناشرکاری ءِ ھلاپ ءَ وت ءَ را رکھینگ ءِ سرجمیں ھک است انت۔ ڈاکٹر طارق فضل چوہدری ءَ گشتگ کہ سیکورٹی فورسز ناشرکاری ءِ گر ءُ دار ءِ ھاتر ءَ ھمک ممکن گامگیج کنگ ءَ انت۔ امریکی کارندہ آں گوشت کہ بجٹ ءِ دیوان ءَ ھوار پارلیمانی دراھیں معاملہ آنی تہ ءَ وزارت ءِ پارلیمانی کار آنی تہ ءَ جوانیں کرد پیلو کتگ۔ پارلیمانی امور ءِ وزیر ءَ گوشت کہ پارلیمنٹ ءِ مھکم کنگ ءُ جمہوریت ءِ مھکم کنگ ءِ واستہ دیم ءَ کار کن ایں ۔ پاکستان ءُ امریکا ءِ سیادی دیر انت بلے نوں گیشتر مہکم بوتگ انت ۔ بے شک نوں پاکستان ءِ گوما سیادی گیش مھکم بوتگ انت۔ آ امریکہ ءِ گوما تجارتی، اقتصادی ءُ سفارتی سیادی ءَ را گیش پراھ ءُ شاھگان کن اَنت۔ امریکی اگدہ داراں گشتگ امریکہ ھمک شعبہ ءَ پاکستان ءِ گوما کمک ءَ گیش گیش کنت۔