اسلام امن، مھمک، براتی و یکے دومی ءِ رواداری ءِ دین اِنت،  بنجاھی وزیر

مانسھمکہ۔ 29 جون (اے پی پی): مذہبی کارانی وفاقی وزیر سردار محمد یوسف ءَ گوشت کہ اسلام امن، مھر، برات ءُ وت مہ وتی برداشت ءِ دین اِنت کہ ھرچ جاور ھال ءَ امن، ساپ ءُ پلگار ءُ وشھالی ءِ تہ ءَ زند گوازینگ ءِ پنت ءُ شون ءَ کنت۔ آئی ءَ گوشت کہ دو مخالف فریق آنی نیام ءَ صلح کنگ نہ ایوک ءَ مزنیں چاگردی ھزمت انت بلکینگ ءَ اللہ تعالیٰ ءِ دیم ءَ ثواب مندیں کار انت۔ آئی ءَ اے ھیالانی درشانی سارن ویلی ءِ اچھریان، ترکنال ءُ دھریال ءِ دمگ ءِ بزگ ءُ دمگی بزگ آنی مزنیں مچی ءَ گوں تران کنان ءَ وتی گس ءَ کتگ ات کہ اے مچی ءِ بندوبست دوئیں فریق آنی نیام ءَ سڑک ءِ جیڈھ ءِ سر ءَ دیریں دژمنی ءِ ھلاسی ءِ ھاترا جوڑ کنگ بوتگ ات۔ سردار محمد یوسف ءَ گوشت کہ چاگرد ءَ امن ءُ ایمنی ءِ واستہ گپ ءُ تران، رواداری ءُ جرگہ ءِ وڑیں روایتی ءُ موثر نظام آنی وسیلگ ءَ اختلاف آناں گیش ءُ گیوار کنگ وھد ءِ لوٹ اِنت۔ آئی ءَ گوشت کہ ذاتی مفاد آنی چہ گیش اجتماعی شری ءَ را اولی ترجی دیگ پرامن ءُ مھکمیں چاگرد ءِ بُن ھشت اِنت۔ آئی ءَ دوئیں فریق ءُ جرگہ ءِ شرپداریں باسک آنی کوشست آناں ساڑات ءُ گوشت کہ وت مہ وتی تپاک ءُ مصالحت ءِ وسیلگ ءَ نہ ایوک ءَ یک دیریں جیڈھ وتی منطقی آسر ءَ سر بوتگ بلکیں دمگ ءَ امن، براتی ءُ یکوئی ءِ دیمروئی ءِ واستہ نوکیں راہ پچ بوتگ۔ آئی ءَ اے امیت سھمکا کت کہ آیوکیں وھد ءَ ھم فریق مھمک، شرپ ءُ یک دومی ءِ سر ءَ بھیسہ ءِ گوما یکجائی ءَ زند گوازینگ ءَ برجاہ دار اَنت ءُ اے مصالحت ءَ را دائمی بنیات ءِ سر ءَ برجم دار اَنت۔