پاکستان ءَ کراچی ءِ ناشرکاری اُرش ءِ سر ءَ اوگان چارج ڈی افیئرز ءَ را درئی کارانی وزارت ءَ طلب کتگ ، زھرشانی ءِ نمدی دیم داتگ

اسلام آباد۔29جون  (اے پی پی): پاکستان ءَ کراچی ءَ ناشرکاری اُرش ءِ سر ءَ اوگان چارج ڈی افیئرز ءَ را دری کارانی وزارت ءَ طلب کتگ ءُ یک تچکیں زھرشانی نمدی یے آئی ءِ دست ءَ داتگ وھدے کہ پاکستان ءِ سفیر عبید الرحمن نظامی ءِ نیمگ ءَ ھم ھمے وڑیں زھرشانی نمدی اوگانستان ءِ وزارت ءَ سر کنگ بوتگ۔ دو شمبے ءِ روچ ءَ درئی کارانی وزارت ءِ جارکش طاھمک حسین آندرابی ءَ رسانکدر ءِ جُست ءُ پُرس ءِ پسو ءَ گوشت کہ پاکستان ءَ کراچی اُرش ءَ اوگان شھمکی آنی ھوار بوھگ ءِ سر ءَ اوگانستان ءِ طالبان حکومت ءَ را زھرشانی نمدی دیم داتگ کہ ایشانی تہ ءَ یکے زندگ گپتگ۔ طاھمک حسین آندرابی ءَ گشتگ کہ گوستگیں شپ ءَ اوگان چارج ڈی افیئرز ءَ را درئی کارانی وزارت ءَ طلب کنگ بوتگ ءُ کراچی ءِ ناشرکاری اُرش ءِ سر ءَ یک مھکمیں زھرشانی ءِ نمدی (ڈیمارچ) آئی ءِ دست ءَ داتگ۔ ھمے رنگیں زھرشانی نمدی پاکستان ءِ سفیر عبید الرحمان نظامانی نیمگ ءَ ھم اوگانستان ءِ درئی کارانی وزارت ءَ سر کنگ بوتگ۔ ترجمان ءَ گشتگ کہ اے ڈیمارچ ہمے بنیاد ءَ جاری کنگ بوتگ انت کہ اُرش ءَ اوگان شھمکی ہوار بوتگ انت کہ آہانی تہا یکے زندگ دزگیر کنگ بوتگ۔ اے گپ یک رندے پدا اے گپ ءَ ثابت کنت کہ پاکستان ءِ تہ ءَ ناشرکاری اُرشانی منصوبہ بندی ءُ اجراء ءِ ھاترا اوگان سرزمین ءُ اوگان راج دپتر کارمرز کنگ بوھگ ءَ انت۔\932