جینڈر حساس انصاف ءِ نظام ءِ دیمروئی وھد ءِ لوٹ اِنت، ڈپٹی اسپیکر بلوچستان اسمبلی

کوئٹہ۔ 29 جون (اے پی پی): بلوچستان اسمبلی ءِ ڈپٹی اسپیکر غزالا گولہ ءَ گشتگ کہ زالبولاں انصاف ءِ یک پیم ءَ رسائی، ایمنیں چاگرد ءُ پیسلہ کنگ ءِ عمل ءِ تہا موثر نمائندگی ءِ پجاری یک انصاف ءُ دیمروئی کتگیں چاگرد ءِ بنیات انت۔ درستیں سیادی داروکیں ادارگاں یکجائی کوشست کنگی اِنت کہ یک صنفی حساسیں انصاف ءِ نظام ءِ جوڑ کنگ بہ بیت تانکہ زالبول ھاسیں رنگ ءَ زوراکی ءَ چہ آماچیں زالبول ءُ جنک آناں وھد ءُ پاس ءِ سر ءَ انصاف رس اِیت۔ آئی ءَ اے ھیالانی درشانی دو شمبے ءِ روچ ءَ عورت فاؤنڈیشن، اقوام متحدہ ءِ زالبول ءُ جرمن سفارتخانہ ءِ کمک ءَ ’’صنفی برابری ءِ دیمروئی ءِ وسیلگ ءَ پاکستان ءَ صنفی حساسیں انصاف ءِ نظام ءَ را مھکم کنگ‘‘ منصوبگ ءِ آسر ءَ برجم داشتگیں صوبائی زالبول آنی کانفرنس ءَ گوں تران کنان ءَ کت۔ اے دیوان ءَ عورت فاؤنڈیشن کے ریجنل ڈائریکٹر علاؤالدین خلجی، صوبائی محتسب برائے ھمکاسیت طاھمکہ بلوچ، اے آئی جی جینڈر اسرار احمد عمرانی، یو این ویمن کی صوبائی سربراہ عائشہ ودود، ڈی آئی جی ہیڈکوارٹر اسد حسن علوی، محکمہ  جان سلامتی ءَ چہ  ڈاکٹر سبینہ بلوچ، ایسوسی ایٹ پروفیسر فائزہ میر، منیجر جی بی وی ہیلپ لائن اشفاق مینگل، وزارتِ انسانی حقوق  ءِ  ڈائریکٹر اسفند یار بادینی، پروگرام آفیسر یاسمین مغل  ءَ ھوار جتا جتائیں سرکاری   ادارگ، عدلیہ، پولیس، سول سوسائٹی  خلجی ءَ شریکیں مردم آناں وش اتک کنان ءَ گوشت کہ پولیس، عدلیہ، استغاثہ ءِ محکمہ بلوچستان بار کونسل، سیادی داروکیں سرکاری ادارگ ءُ سول سوسائٹی ءِ کمک ءَ اے منصوبگ جوانیں رنگ ءَ سرجم کنگ بوت۔ آئی ءَ گوشت کہ منصوبگ ءِ ساھت ءَ ادارگ ءِ گنجائش ءَ را گیش کنگ، جینڈر سینسیٹیو پالیشی آناں دیمروئی دیگ، الس ءَ را سرپدی مہم ءِ برجم دارگ، جینڈر رسپانسیو ادارگ آنی سر ءَ دستاویزی ویڈیوز تیار کنگ، زالبول آنی سروکی ءَ را گیش کنگ، ریفرل میکانزم ءَ را مھکم کنگ ءُ   جوانیں آسراتی ءِ تہ ءَ جوانیں آسراتی ءِ تہ ءَ ھوار کنگ ءِ واستہ عملی گامگیج چست کنگ بوتگ۔ بلوچستان ءِ زالبول آنی واستہ انصاف ءِ رسائی ءَ را گہتر کنگ ءُ جنسی حساسیں انصاف ءِ نظام ءَ را مھکم کنگ۔ تران کنان ءَ اقوام متحدہ ءِ زالبول آنی صوبائی سروک عائشہ ودود ءَ گوشت کہ عورت فاؤنڈیشن ءِ شریکداری ءَ اے منصوبگ ءِ مول ءُ مراد صنفی برابری ءِ دیمروئی ءَ چہ بلوچستان ءَ صنفی حساسیں انصاف ءَ را مھکم کنگ ءُ زالبول آنی ھاسیں رنگ ءَ زوراکی ءَ چہ آماچیں زالبول ءُ جنک آنی واستہ انصاف ءِ گہتریں رسائی ءَ را دل یکیمی کنگ اِنت۔ آئی ءَ گوشت کہ منصوبگ ءِ چیر دستی ءَ پالیسی سازی، منصوبگ بندی ءُ بجٹنگ ءِ تہ ءَ نظامی اصلاحات ءِ سر ءَ ھاسیں دلگوشی دیگ بوتگ تانکہ ڈھانچہ ءِ نابرابری آناں ھلاس کنگ بہ بیت۔ آئی ءَ گوشت کہ اقوام متحدہ ءِ زالبول آنی نیمگ ءَ بلوچستان ءَ زالبول آنی ادارگی نمائندگی ءَ را گیش کنگ ءِ واستہ ھاسیں گامگیج چست کتگ، آوانی کمک ءِ واستہ وسیلگ پجاری کتگ ءُ جینڈر سینسیٹیو نظام ءِ دیم ءَ برگ ءِ واستہ ھاسیں گامگیج کتگ، البت استیں کانود آنی سر ءَ عمل کنگ المی انت۔ منصوبگ ءِ کار ءُ کرد ءُ سوبمندی آنی بابت ءَ شریک داروک آناں بریفنگ کنان ءَ پروگرام آفیسر یاسمین مغل ءَ گوشت کہ منصوبگ ءِ ساھت ءَ ادارگی گنجائش ءَ را گیش کنگ، صنفی حساس پالیشی آناں دیمروئی دیگ، سرپدی ءِ مہم، زالبول آنی سروکی ءَ را مھکم کنگ، ریفرل میکانزم ءَ را گہتر کنگ ءُ جتا جتائیں ادارگ آنی نیام ءَ موثر نتیجہ ءِ سر ءَ کار کنگ بوتگ۔ گشتانک دیوکاں منصوبگ ءِ تجربگ، سوبمندی ءُ آیوکیں حکمت عملی ءِ سرا ہم گپ ءُ تران کت ءُ بلوچستان ءَ زالبولانی رکھینگ، صنفی برابری ءُ انصاف ءِ یک پیمیں دسترس ءِ دیمروئی ءِ ھاتر ءَ وت مہ وتی کمک ءِ عمل ءَ را برجاہ دارگ ءِ جزم ءِ درشان کت۔ عورت فاؤنڈیشن ءِ بورڈ آف گورنرز ءِ باسک روشن خورشید بروچا ءَ وتی گشتانک ءِ تہا گشتگ کہ عورت فاؤنڈیشن ءَ نہ ایوک ءَ زالبولانی حقانی رکھینگ ءُ قانون سازی ءِ تہا ھاسیں کرد پیلو کتگ بلکیں آگاہی مہم، وسیلگ ءِ پجارینگ ءُ زالبولانی سیاست ءِ تہا متحرک کنگ ءِ ھاتر ءَ ہم مدام جہد کتگ۔ آئی ءَ گوشت کہ بازیں زالبولاں عورت فاؤنڈیشن ءِ پلیٹ فارم ءَ چہ وتی سیاسی جنز ءِ بندات کتگ ءُ مرچی پارلیمنٹ ءَ ھوار ھاسیں پیسلہ کنوکیں ادارگ آنی بھر انت۔ عورت فاؤنڈیشن ءَ اقوام متحدہ ءِ زالبول، جرمن سفارت خانہ، پولیس، عدلیہ، استغاثہ ءِ محکمہ، بلوچستان بار کونسل، انسانی حقانی محکمہ، جان سلامتی ءِ محکمہ، سول سوسائٹی ءِ شریک ءُ ایندگر ہمگرنچیں ادارگ آنی کمک ءِ سرا منت واری درشان کتگ۔