پاکستان ناشرکار، آیانی اسپانسر ءُ مالی کمک کنوکاں ھلاس کنت، ترجمان صدر مملکت

اسلام آباد۔29جون  (اے پی پی): صدر ءِ جارکش مرتضی سولنگی ءَ گوشت کہ ناجائزیں اوگان طالبان ءِ رژیم چہ وتی سرزمین ءَ ناشرکار روان دیگ ءَ اِنت کہ آ مئے شھمکی ءُ بہادریں سپاھیگ آنی سر ءَ اُرش بہ کن اَنت تانکہ پاکستان ءِ جھان ءِ امن ءِ ھاترا بستار ءَ را تاوان بہ دنت دانکہ مودی ءُ نیتن یاہو ءَ را وش بہ کنت۔ دو شمبے ءِ روچ ءَ ایکس ءِ سر ءَ وتی بیان ءَ مرتضی سولنگی ءَ گوشت کہ بوت کنت آھانی گمان اِنت کہ پاکستان بے توار بہ بیت یا آھانی اسپانسر آھاں رکّین اَنت، پاکستان نہ ایوک ءَ ناشرکاراں وتی آسر ءَ بزاں جہنم ءَ سر کنت بلکیں آھانی اسپانسر ءُ مالیاتی مردماں ھم ھمے آسر ءَ سر کنت۔ صدر ءِ جارکش ءَ گوشت کہ ما ناشرکاری ءَ را شکل دات ءُ ھمے وھد ءَ جھان ءِ امن دوست ءِ بستار ءَ وتی کرد ءَ را برجاہ دار ایں ۔