پاکستان دہشت گرد، اوفتا سرپرست و مالی کمک کروک آتے انجام اسکان سرکیک، ترجمان صدر مملکت

اسلام آباد۔ 29 جون (اے پی پی ) صدر مملکت نا ترجمان مرتضیٰ سولنگی پارینے کہ غیرکانودی اوغان طالبان رجیم پاکستان نا جہانی امن ساز نا حیثیت ءِ نسخان تننگ کن تینا گل زمین آن دہشت گرد آتے ننا شاری و بہادر فوجی تیا جلہو آتیکن گدریفنگ ءِ تانکہ مودی و نیتن یاہو ءِ خوش کننگ مرے۔ دوشنبے نادے آایکس آ تینا بیان اٹی مرتضیٰ سولنگی پارے کہ شاید او تکرہ کہ پاکستان چُپ سلک یا اوفتا سرپرست اوفتے بچفک، پاکستان ننئے بیرہ دہشت گردآتے اوفتا انجام یعنی دوزخ اسکان سرکیک بلکن اوفتا سرپرست و مالی کمک کروک آتے ہم ہندا انجام اسکان سرکیک۔ صدر مملکت نا ترجمان پارے کہ نن دہشت گردی ءِ شکست ایتنہ و اوڑتون اوار دنیا نا امن ساز نا وڑاٹ تینا کڑد ءِ ہم برجاتخنہ۔