پاک بحریہ نا شہید آفیسر نا باہمت اُرائی الویراحمزہ پاکستان نیوی ٹی بطور آفیسر کمیشن دوئی کرے

اسلام آباد۔ 29 جون (اے پی پی ) پاک بحریہ نا شہید آفیسر لیفٹیننٹ کمانڈر حمزہ عابد شہید نا باہمت اُرائی الویراحمزہ پاکستان نیوی ٹی بطور آفیسر کمیشن دوئی کرے۔ پاک بحریہ نا شہید آفیسر نا اُرائی تینا اَرغ نا شہیدی نا غم ءِ عزم و حوصلہ ٹی بدل کرسا پاک بحریہ ٹی بطور آفیسر کمیشن دوئی کرے، لیفٹیننٹ کمانڈر حمزہ عابد شہید نا حوصلہ مند اُرائی الویرا حمزہ کمانڈنٹ گول میڈل ءِ کٹسا پاک بحریہ نا شعبہ انفارمیشن ٹیکنالوجی ءِ جوائن کرینے۔ الویراحمزہ پارے کہ کنا اَرغ لیفٹیننٹ کمانڈر حمزہ عابد نا شہیدی آن کنے ٹی ہم پاک بحریہ ٹی شمولیت نا جوزہ ودی مس، ای ہرا یونیفارم اٹی تینا اَرے ءِ خناٹ، اینو ہمووڑنا یونیفارم ءِ بینسا ہمو ہند آ سلنگ کنکن و کنا مسڑ کن گمر نا سوب ءِ، دا جوزہ غاتے لوز آتیٹی بیان کننگ مفک، پاکستان نیول اکیڈمی ٹی کنا بھاز جوان ءُ وخت اس گدرینگا۔ اوپارے کہ ای پاکستان نا ہر مسڑءِ داپاننگ خواوہ کہ اگہ ای اسہ مسڑ اسے نا مننگ تون داخہ ہمت کننگ کیوہ تو نم ہم فورس اٹی ببو۔ لیفٹیننٹ کمانڈر حمزہ عابد شہید نا حوصلہ مند اُرائی الویرا حمزہ نا پاک بحریہ ٹی بطور آفیسر شمولیت اختیار کننگ غٹ پاکستانی زالبول آتیکن روشنا درور ءِ۔