سندھ اٹی پولیو دین نا چٹفنگ نا کوشست آتیٹی اہم پیش رفت مون آبسنے، بنجائی وزیر جان جوڑی

اسلام آباد۔ 29 جون (اے پی پی ) بنجائی وزیر جان جوڑی سید مصطفیٰ کمال پارینے کہ سندھ اٹی پولیو دین نا چٹفنگ نا کوشست آتیٹی اہم پیش رفت مون آ بسنے و ساڑی آ چاگڑدی وڑتا نتیجہ است بڈ ءِ ۔ وزارت جان جوڑی آن جاری بیان نا رداٹ صوبہ غان دوئی کروک 29 چاگڑدی وڑتیان 28 منفی رپورٹ مس ہر ا اگست 2023آن پد منفی چاگڑدی وڑتا غٹ آن زیات کچ ءِ۔ وزیرجان جوڑی نا رداٹ کراچی ڈویژن اٹی پولیو دین نا گردش اٹی نمان کمتی مون آ بس ہراڑے 12 آن 11 چاگڑدی وڑ اولیکو وار منفی رپورٹ مس۔ ہندا وڑ سندھ انا ایلو ڈویژن آتیان دوئی کروک غٹ 17 چاگڑدی وڑہم منفی بس ہرا انسداد پولیو گام گیج آتا گچین حکمت عملی نا پیدوار شاہدی ءِ۔ سید مصطفیٰ کمال پارے کہ قمبر وکشمور اٹی بھلو وخت اسے آن پد پولیو دین نا دگردش نا چٹفنگ ستاکڑزوک پیش رفت وخت اس کہ بدین ومیرپور خاص اٹی پدریسہ ارٹ میکو تُو ہم چاگڑدی وڑتا منفی بننگ اہم سرسہبی اسے۔ اوپارے کہ پولیو دین نا پورو چٹفنگ کن حکومت غٹ دوئی وسیلہ غاتے کاریم اٹ اتنگ ءِ و بنجائی و صوبائی ادارہ، شریدار تنظیم و ایلو اسٹیک ہولڈر آتا کمک اٹ جوان گام گیج برجاءِ۔ وزیرجان جوڑی پارے کہ سال 2026 اٹی دوقومی و اسہ ذیلی انسداد پولیو مہم سرسہبی اٹ اڈتننگانے وخت اس کہ جولائی 2026اٹی کراچی ٹی خصوصی انسداد پولیو مہم اس ہم چلیفنگک تانکہ دین انا ایلو ماندہ گدریفنگ نا پورو چٹفنگ ءِ پک کننگ مرے۔ اوداعزم انا درشانی ءِ کرے کہ پولیو فری پاکستان حکومت نا اولیت ءِ و ہر چناءِ دا مرض آن رکھ فراوان کننگ کن پبی گام گیج برجاسلک۔