ڈریپ نا انٹرنیشنل فارماسیوٹیکل ریگولیٹرز پروگرام نا ریگولیٹری اتھارٹی نا باضابطہ رکنیت ءِ دوئی کننگ اہم ءُ سرسہبی اسے، بنجائی وزیر قومی جان جوڑی

اسلام آباد۔ 29 جون (اے پی پی ) بنجائی وزیر قومی جان جوڑی سید مصطفیٰ کمال پارینے کہ ڈرگ ریگولیٹری اتھارٹی آف پاکستان (ڈریپ) نا انٹرنیشنل فارماسیوٹیکل ریگولیٹرز پروگرام (IPRP)نا ریگولیٹری اتھارٹی نا باضابطہ رکنیت دوئی کننگ اہم ءُ سرسہبی اسے۔ اوپارے کہ آئی پی آرپی نا رکنیت پاکستان نا فارماسیوٹیکل نظام ءِ جہانی آب اتون ہم گرنچ کننگ نا کنڈآ اسہ فیصلہ ئی ءُ گام اسے۔ اوپارے کہ داڑآن جہانی فارماسیوٹیکل پالیسی سازی ٹی پاکستان نا کڑد پین سوگومریک وخت اس کہ ڈریپ نا ریگولیٹری شفافیت، ادارہ جاتی لائخی و السی جان جوڑی نا رکھ انا عزم ءِہم سوگوی ملک۔ ڈریپ نا چیف ایگزیکٹیو آفیسر ڈاکٹر عبیداللہ ملک پارے کہ آئی پی آرپی نا پورو رکنیت ڈریپ نا ریگولیٹری اصلاحات آ جہانی پت انا درشانی ءِ۔ داڑآن پاکستان نا دواسازی نا نظام جہانی اصول آتون پین ہم گرنچ مریک و سائنسی بنداوتیا ریگولیٹری چاروکی ءِ پین گچین جوڑ کننگ مریک ۔ اوپارے کہ ڈریپ شفافیت نا مون آ دننگ، ڈیجیٹل نظام نا ترند رفتار شونداری و ناجوڑ وہندی صنعت ءِ گچین آسراتی فراوان کننگ کن تینا کوشست آتے برجاتخک۔ آئی پی آرپی نا پورو رکنیت آن ڈریپ جہانی کہول آ دوائی تا آب آتے طے کروک چندی خصوصی ورکنگ گروپ آتیٹی فعال کڑد ادا کیک، ہراٹی الس ءِ آب اٹ و کم نہاد جنیرک دوائی اسکان  ترند رسینگ، ہراڑآن درمان نا خڑچ آتیٹی کمتی بریک ۔ پوسکن آحیاتیاتی دوائی، سیل تھراپی و نینو میڈیسن تون اوار پوسکن آ طبی ٹیکنالوجی  تسکان رکھوک و وخت  آ رسینگ، جہانی ریگولیٹری ادارہ غاتون کمکاری نا کمک اٹ اہم و پوسکن دوائی تا منظوری نا عمل اٹی ترندی، دوائی تا ٹریس ایبلٹی و جہانی شناختی نظام نا نفاذ آن جعلی و بے آب اٹ دوائی تا توننگ کون آ چندی فائدہ دوئی مریک۔ دا سرسہبی برجاسال ڈریپ نا جہانی کہول آ دوئی مروک مسٹ میکو بھلا سرسہبی ءِ۔ داکان مست ڈریپ انٹرنیشنل کونسل فارہارمونائزیشن (ICH)اٹی آبزرور نا درجہ دوئی کرے وخت اس کہ کراچی نا سینٹرل ڈرگز لیبارٹری (CDL)ءِ جہانی ادارہ جان جوڑی (WHO)نا کنڈآن پری کوالیفکیشن (PQ)ہم دوئی مس۔ دا پدریسہ سرسہبی تیان ڈریپ نا پوسکن ، ڈیجیٹل، شفاف و جہانی آب انا رداٹ ریگولیٹری نظام نا کنڈآ پیش رفت پین سوگو مسنے، ہرا جہانی کہول آ پاکستان نا ودوک آ لائخی تا پیدوار شاہدی ءِ۔ یات سلے کہ دا اہم سرسہبی نا باضابطہ پڑو 3و4 جون 2026 آ برازیل نا شار ریوڈی جنیرو ٹی اڈ ہلوک آ آئی پی آرپی مینجمنٹ کمیٹی نا 17 می دیوان اٹی کننگاسس۔