نائب مزن وزیر ءُ دری کارانی وزیر سینیٹر محمد اسحاق ڈار ءَ قاہرہ ءَ دمگی چاریں ملک آنی دری کارانی وزیر آنی دیوان ءَ بھر زوری

قاہرہ۔21جون  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ مصر ءِ شہر قاہرہ ءَ دمگی چار ملک آنی دری کارانی وزیر آنی دیوان ءِ چارمی دیوان ءَ بھر زوری کت کہ ایشی ءِ تہ ءَ پاکستان، ترکی مصر، ترکی عرب مصر ءُ سعودی ءِ دری کارانی وزیر آنی بھر زوری بوت۔ یک شمبے ءِ روچ ءَ وزارت ءِ درئی کار آنی نیمگ ءَ چہ جاڑی بوتگیں بیان ءِ رد ءَ وزیر آناں اسلام آباد ءِ تپاک نامہ ءِ سر ءَ بوتگیں پیشرفت ءِ سر ءَ چار ءُ تپاسی کت، ھاسیں دمگی ءُ جھان ءِ دیمروئی آنی سر ءَ ھیال ءُ لیکہ آنی تبادلہ کت ءُ دمگ ءِ تہ ءَ امن ءُ ایمنی ءِ دیمروئی ءِ واستہ گپ ءُ تران، سفارتکاری ءُ یکجائی کوشست آنی سر ءَ یکجائی ءِ سر ءَ زور پر دات۔ گند ءُ نند ءَ یکجائی چیلنج آناں گیواری ءُ دستیابیں موہ آناں سرجمی ءَ کارمرد کنگ ءِ واستہ آر فور فریم ورک ءِ چیر دستی ءَ سیادی ءَ را گیش مھکم کنگ ءُ عملی کمک ءَ را دیمروئی دیگ ءِ سر ءَ ھم دلگوشی دیگ بوتگ۔ ایشی ءَ چہ پیسر گند ءُ نند ءِ ساھت ءَ نائب مزن وزیر ءُ دری کارانی وزیر محمد اسحاق ڈار ءَ مصر ءِ صدر عبدالفتاح السیسی ءَ گوں گند ءُ نند کت، ایشی ءِ تہ ءَ آر فور پلیٹ فارم ءِ چیر دستی ءَ دو نیمگی سیادی، دمگی جاور ءُ کمک ءِ بابت ءَ گپ ءُ تران کت۔ پاکستان، سعودی عرب، ترکی ءُ مصر یکجائی ءَ وتی یکوئی شریکداری ءَ را گیش مھکم کنگ، سفارتکاری ءَ را دیم ءَ برگ ءُ گیش پرامن، مھکم ءُ یکے دومی ءَ گوں بندوکیں دمگ ءِ واستہ تپاکی ءَ را دیم ءَ برگ ءِ واستہ کار کنگ ءَ اَنت۔ دیوان ءِ گڈ ءَ یکجائی جار ھم جاڑی کنگ بوت۔