قاہرہ ءَ دری کارانی وزیر آنی دیوان R-4 بندات بیت کہ ایشی ءِ تہ ءَ محدودیں سیشن ھوار اِنت، دمگی جاور ھال آنی سر ءَ گپ ءُ تران، اسلام آباد ءِ تپاک نامہ ءِ سر ءَ عمل کنگ ءُ وت مہ وتی کمک ءِ اولویت ءِ دمگ آنی سر ءَ گپ ءُ تران

اسلام آباد۔21جون  (اے پی پی): مصر ءِ بنجاھی شہر  قاہرہ ءَ آر فور ءِ دری کارانی وزیر آنی دیوان ءِ بندات ءِ تہ ءَ پاکستان، مصر، سعودی عرب ءُ ترکی ءِ دری کارانی وزیر آناں بھر زرتگ۔ گند ءُ نند ءِ ساھت ءَ دمگی جاور ھال، اسلام آباد تپاک نامہ ءِ سر ءَ عملدرآمد ءُ وت مہ وتی کمک ءِ اولویت ءِ شوبگ آنی سر ءَ سرجمیں رنگ ءَ گپ ءُ تران کنگ بوت۔ یک شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ گند ءُ نند ءِ ساھت ءَ دری کارانی وزیر آں یکجائی چیلنج آناں گیواری ءِ واستہ گپ ءُ تران، سفارتکاری ءُ دمگی سروکی ءِ اصول آنی سر ءَ وتی جزم ءِ یک رند ءَ پدر کت۔ پاکستان، سعودی عرب، ترکی ءُ مصر یک گیش امن ءُ ایمنی، مھکمیں ءُ یکے دومی ءَ گوں بندوکیں دمگ ءِ جوڑیشت ءِ واستہ وتی کمک ءَ را گیش مھکم کنگ ءَ اَنت۔