مزن وزیر شہباز شریف ءَ ثالثی ءِ بستار ءَ اسلام آباد ءِ تپاک نامہ ءِ سر ءَ دستخط کتگ

اسلام آباد۔18جون  (اے پی پی): مزن وزیر محمد شہباز شریف ءَ "اسلام آباد تپاک نامہ” ءِ سر ءَ میانجی ءِ بستار ءَ دستخط کتگ۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ ’’اسلام آباد تپاک نامہ‘‘ ءِ سر ءَ امریکی صدر ڈونلڈ ٹرمپ ءُ ایران ءِ صدر مسعود پیشمرگا ءِ دستخط کنگ بوتگ۔ ایشی ءَ چہ پیسر مزن وزیر محمد شہباز شریف ءَ امریکہ ءُ ایران ءِ نیام ءَ ”اسلام آباد ءِ تپاک نامہ“ ءِ سر ءَ دستخط کنگ ءِ جار جنان ءَ گوشت کہ اے تپاک نامہ ءِ چیر دستی ءَ کہ زوت نافذ بیت، اولی بھر ءَ ایران زوت زوت ءَ آبنائے ہرمز ءِ بندش ءَ پدا پچ کنت، وھدے کہ امریکہ زوت چہ آبنائے ءَ بند کنت۔ مزن وزیر ءَ ’’ایکس‘‘ ءِ سر ءَ وتی کلوہ ءِ تہ ءَ گوشت کہ من ءَ اے جار ءِ سر ءَ سک باز وشی ءُ شرف اِنت کہ مرچی امریکہ ءُ اسلامی جمہوریہ ایران ءِ نیام ءَ راجدپتری ’’اسلام آباد تپاک نامہ‘‘ ءِ سر ءَ الیکٹرانک رنگ ءَ دستخط کنگ بوتگ۔ مزن وزیر ءَ گوشت کہ یادداشت ءِ سر ءَ دوئیں ملک آنی عزت مندیں صدر آنی نیمگ ءَ دستخط کنگ بوتگ، وھدیکہ آئی ءَ اے یادداشت ءَ را ثالثی ءِ رنگ ءَ ھم منظور کتگ۔ اے معاہدے ءِ سرا وتی حکومتانی نیمگ ءَ چہ بُرزیں تک ءَ دستخط کنگ اے گپ ءِ پدریں ثبوت انت کہ دوئیں نیمگ اے جیڑہ ءِ سفارتی گیواری ءِ ھاترا جزم انت۔ مزن وزیر ءَ گوشت کہ ’’اسلام آباد ءِ تپاک نامہ‘‘ ترندیں رنگ ءَ کار ءَ کیت ءُ ایشی ءِ اولی گامگیج ءِ رنگ ءَ اسلامی جمہوریہ ایران ترندیں رنگ ءَ آبنائے ہرمز ءَ را پدا پچ کنت وھدیکہ امریکہ ترندیں رنگ ءَ بحری بندش ءَ را ھلاس کنت۔ مزن وزیر ءَ گوشت کہ من امریکہ ءِ صدر ڈونلڈ جے ٹرمپ ءَ را اے تپاک نامہ ءِ سر ءَ دستخط کنگ ءِ سر ءَ دل ءِ جہلانکی ءَ چہ مبارک بات پیش کن آں ءُ آئی ءَ را شگر ءُ منت پیش کن آں کہ آئی ءِ سفارتکاری ءِ سر ءَ بے مٹیں عزم ءُ جیڈھ آناں پرامن گیواری ءَ را اولیت دیگ ءِ پالیشی ءَ یک رندے پدا یک بحران ءِ ھلاسی ءَ کمک کتگ۔ مزن وزیر ءَ گوشت کہ من امریکی مذاکرات ٹیم ءِ بے مٹیں کار، لگن ءُ ارزشتی ایں ازمت آنی ھم ستا ءَ کن آں، ایشی ءِ تہ ءَ جے ڈی وینسی، اسٹیو وٹکوف ءُ جیرڈ کشنر ھوار اَنت، آھاں اے راجدپتری سوبمندی ءِ تہ ءَ مزنیں کرد پیلو کتگ۔ مزن وزیر ءَ گوشت کہ آ اسلامی جمہوریہ ایران ءِ سروک آیت اللہ سید مجتبہ حسینی خامنہ ای ءُ صدر مسعود پیشکریان ءِ دانشمندیں پیسلہ، دور اندیشی ءُ سوچ ءُ ھیال ءِ سروکی ءَ را ھم یات کنت، آھاں امن ءِ مول ءُ مراد ءَ را وتی سرا زورگ ءَ ارزشتی ایں سروکی ءِ درشان کتگ۔ مزن وزیر ءَ ایران ءِ مذاکرات ٹیم ءِ کوشست آناں ھم ساڑات کہ ایشی ءِ تہ ءَ محمد باقر قلیباف، عباس عراقچی ءُ اسکندر مومنی ھوار اَنت، ایشانی صبر ءُ برداشت ءُ تعمیری گپ ءُ تران ءِ عزم ءَ اے معاہدے ءِ آسر کنگ ءَ کلیدی کرد پیلو کتگ۔ آئی ءَ ھاسیں رنگ ءَ ریاست قطر ءِ سروکی ءِ مخلصیں کوشست ءُ جوانیں کرد ءِ ھم من اِت کہ آھاں اے دیمروئی ءِ ھاترا مزنیں کمک کتگ۔ مزن وزیر ءَ گوشت کہ آ اے درگت ءَ بادشاہی سعودی عرب، جمہوریہ ترکی ءُ عرب جمہوریہ مصر ءِ سروکی ءِ ناگزیریں کرد ءُ ارزشتی ایں ازمت آناں ھم سک باز ارزشت دنت۔ مزن وزیر ءَ فیلڈ مارشل سید عاصم منیر ءِ ھاسیں رنگ ءَ گوشت کہ آئی ءِ بے مٹیں کوشست، بے وسیں جزم ءُ کلیدی کرد اے ھاسیں پیشرفت ءَ را ممکن جوڑ کنگ ءُ امن ءُ دمگی برجائی ءَ را دیمروئی دیگ ءَ سک باز ارزشتی ثابت بوت۔ آئی ءَ دعا کت کہ اے تپاک نامہ سرجمیں دمگ ءَ یکے دومی ءِ سرپدی، یکے دومی ءِ احترام ءُ مشترکہ وشھالی ءِ واستہ یک مھکم ءُ برجمیں بُن ھشتے ثابت بہ بیت۔