وفاقی بجٹ ءَ را لس مھلوک ءِ وشھالی ، دیمروئی منصوبگ ءُ بنیاتی آسراتی ءِ سر ءَ گیشتر دلگوش دیگ بہ بیت، سینیٹر روبینہ قائم خانی

اسلام آباد۔18جون  (اے پی پی): پاکستان پیپلز پارٹی ءِ سینیٹر روبینہ قائم خانی  ءَ گوشت کہ وفاقی بجٹ ءَ راجی گہبودی، دیمروئی منصوبگ ءُ بنیاتی آسراتی آنی سر ءَ گیش دلگوشی دیگ بہ بیت تانکہ الس آناں گیشاں چہ گیش ریلیف پجاری کنگ بہ بیت۔ پنچ شمبے ءِ روچ ءَ سینیٹ ءَ مالی سال 2026-27ءِ وفاقی بجٹ ءِ سر ءَ گپ ءُ تران ءَ بھر زوری کنان ءَ سینیٹر روبینہ قائم خانی  ءَ سرکاری شوبگ ءِ دیمروئی پروگرام ءِ حجم ءَ را گیش کنگ ءِ ضلورت ءِ سر ءَ زور پر دات ءُ گوشت کہ پائیدار دیمروئی ءِ مول ءُ مراد وانگ ءُ زانگ، جان سلامتی ءُ روزگار ءِ تہ ءَ سرمایہ کاری ءَ چہ سرجم کنگ بوت کنت۔ آئی ءَ توانائی ءِ متبادل وسیلگ آنی دیمروئی ءِ واستہ سولر انورٹر آنی سر ءَ ٹیکس ءِ ھلاسی ءِ لوٹ کتگ ءُ گوشت کہ اے گامگیج ءَ چہ الس ءَ را ارزانیں توانائی رس ایت۔ آئی ءَ صوبگ سندھ ءَ ھاسیں شاہراہ ءِ منصوبگ آنی واستہ گیش ءَ چہ گیش فنڈز ایر کنگ ءِ ضلورت ءِ سر ءَ زور پر دات ءُ گوشت کہ اے منصوبگ آنی سرجمی ءَ چہ تجارت، رابطہ ءُ دمگی دیمروئی ءَ را دیمروئی رسیت۔ آئی ءَ پاکستان ریلوے ءِ گہتری، ریلوے پٹری آنی جوڑ کنگ ءُ نوک کنگ ءِ واستہ جوانیں گامگیج آنی ضلورت ءِ سر ءَ ھم زور پر دات۔ سینیٹر روبینا قائم خانی  ءَ کشت ءُ کشاری شوبگ ءَ را ملک ءِ معیشت ءِ بُن ھشت لیک اتگ ءُ کشت ءُ کشاری ءِ واستہ کود، ڈیزل ءُ بجلی ءِ رنگ ءَ گیشیں آسراتی ءِ لوٹ کتگ۔ سندھ ءُ بلوچستان ءَ آپ ءِ دست کپگ ءِ جیڈھ ءَ را گیواری ءِ ضلورت ءِ سر ءَ زور پر دیان ءَ آئی ءَ گوشت کہ آپ ءِ منصفانہ بھر ءُ بانگ ءَ چہ کشت ءُ کشاری پیداوار ءِ تہ ءَ گیشی ءُ کشاردار آنی جیڈھ آنی گیواری ءَ را دل یکیمی کنگ بیت۔ آئی ءَ ایران ءُ امریکہ ءِ نیام ءَ جیڈھ آناں کم کنگ ءُ امن معاہدے ءَ را دیم ءَ برگ ءِ تہ ءَ پاکستان ءِ کرد ءَ را مزنیں سفارتی سوبمندی لیک اتگ ءُ گوشت کہ پاکستان ءِ موثر سفارتکاری ءَ را جھان ءِ تک ءَ ساڑاھگ بوتگ۔ آئی ءَ مزن وزیر محمد شہباز شریف، فیلڈ مارشل سید عاصم منیر، صدر آصف علی زرداری ءُ چیئرمین بلاول بھٹو زرداری ءِ کوشست آناں شگر ءُ منت درشان کت ءُ گوشت کہ خطہ ءَ امن ءُ ایمنی ءِ دیمروئی ءَ ایشانی یکجائی کوشست آنی مزنیں کرد انت۔ آئی ءَ گلگت بلتستان ءِ قانون ساز اسمبلی ءِ گچین کاری ءَ پاکستان پیپلز پارٹی ءِ سوبمندی ءَ را جمہوریت ءُ الس ءِ بھروسہ ءِ سوبمندی لیک اتگ۔