پاکستانی ءُ چینی کاروباری مردمانی نیام ءَ کمک اقتصادی شریکداری ءِ یک ھاسیں  بن پادگ اِت، وزیر ءِ ھزانگ محمد اورنگزیب

اسلام آباد۔18جون  (اے پی پی): وفاقی وزیر خزانہ ءُ آمدنی سینیٹر محمد اورنگزیب ءَ گوشت کہ پاکستانی ءُ چینی کاروبار آنی نیام ءَ کمک دوئیں ملک آنی نیام ءَ گیش بوھوکیں اقتصادی شریکداری ءِ یک ھاسیں ستون اِنت۔ حکومت سرمایہ کاری ءِ دیمروئی ءِ واستہ جزم انت کہ آ ٹیکنالوجی، پائیدار صنعتی دیمروئی ءُ توانائی ءِ جوانیں کارمردی ءَ را دیمروئی دنت۔ آئی ءَ اے گپ پنچ شمبے ءِ روچ ءَ ادا بی وائی ڈی گروپ ءُ میگا موٹر کمپنی ءِ ڈل ءَ گوں گند ءُ نند ءِ ساھت ءَ کت اَنت۔ ڈل ءِ سروکی ءَ بی وائی ڈی گروپ ءِ نائب صدر ءُ بی وائی ڈی ایشیا پیسفک آٹو سیلز ڈویژن ءِ جنرل منیجر لیو شوئیلیانگ ءُ میگا موٹر کمپنی ءِ سی ای او علی خان ءَ کتگ ات۔ ڈل ءِ وش اتک کنان ءَ وزیر ءِ ھزانگ ءَ بی وائی ڈی ءِ پاکستان ءَ گیش بوھوکیں سرمایہ کاری ءُ ھست بوھگ ءِ ساڑات کت ءُ گوشت کہ پاکستان ءُ چین ءِ نیام ءَ گیش بوھوکیں اقتصادی شریکداری ءِ یک ھاسیں ستون ءِ کاروباری کمکی انت۔ وزیر ءِ ھزانگ ءَ گوشت کہ پاکستان ٹیکنالوجی ءِ بنیات ءَ سرمایہ کاری ءَ را ھاسیں ارزشت ءَ دنت ءُ دل یکیمی اِنت کہ بی وائی ڈی ءُ میگا موٹر کمپنی ءِ نیام ءَ یکجائی منصوبہ صنعتی دیمروئی، ٹیکنالوجی ءِ ٹرانسفر، نوکیں روزگار ءِ موہ ءُ برآمدات ءِ تہ ءَ گیشی ءِ تہ ءَ مزنیں کردے پیلو کنت۔ لیو شویلیانگ ءَ وزیر ءِ ھزانگ ءَ را بی وائی ڈی ءِ کار ءُ کرد ءُ پاکستان ءَ آیوکیں منصوبگ آنی بابت ءَ سرپد کت۔ آئی ءَ گوشت کہ کمپنی میگا موٹر کمپنی ءِ گوما کمک ءَ پاکستان ءَ نوکیں توانائی ءِ گاڑی آنی جدید ٹیکنالوجی ءَ را دیم ءَ آرگ ءَ انت۔ آئی ءَ الیکٹرک گاڑی آنی شوبگ ءِ دیمروئی ءِ واستہ حکومت ءِ پاکستان ءِ کمک ءَ را ساڑات ءُ گوشت کہ کمپنی ءِ لوکل مینوفیکچرنگ پلانٹ شیڈول ءِ رد ءَ دیمروئی کنگ ءَ انت۔ آئی ءَ گیش گوشت کہ بی وائی ڈی وتی پروڈکٹ رینج ءَ را گیش کنگ، لوکل کمپوننٹ مینوفیکچرنگ ءَ را گیش کنگ، جدید چارجنگ ٹیکنالوجی ءَ را دیمروئی دیگ ءُ ایشی ءِ تہ ءَ سرمایہ کاری، ٹیکنالوجی ءِ ٹرانسفر ءُ مردمی قوت ءِ تربیت ءِ وسیلگ ءَ پاکستان ءَ الیکٹرک گاڑی ءِ شوبگ ءَ را مھکم کنگ ءِ واستہ جزم اِنت۔ ڈل ءَ اے گپ ءِ سر ءَ زور پر دات کہ پاکستان نوکیں توانائی ءِ گاڑی آنی واستہ یک نوکیں ءُ دلکشیں مارکیٹ اِنت۔ ڈل ءَ وتی دراجیں مدت ءِ وژن ءِ بابت ءَ گپ ءُ تران کنان ءَ گوشت کہ پاکستان ءَ را خطہ ءَ الیکٹرک گاڑی جوڑ کنگ ءُ برآمد کنگ ءِ واستہ یک مزنیں مرکز ءِ جوڑ کنگ ءِ ہدف ایر کتگ۔ اے مول ءُ مراد ءِ واستہ دمگی شریک آنی کمک ءَ چارجنگ انفراسٹرکچر ءِ تہ ءَ گیشی ءُ پاکستانی انجینئر ءُ ٹیکنیشن آنی تربیت ھم منصوبگ ءِ تہ ءَ ھوار اَنت۔ میگا موٹر کمپنی ءِ سی ای او علی خان ءَ وزیر ءِ ھزانگ ءَ را گوشت کہ بی وائی ڈی ءِ جھان ءِ توسیپ ءِ حکمت عملی ءِ تہ ءَ پاکستان ءِ کلیدی بستار اِنت۔ آئی ءَ یکجائی منصوبہ ءِ چیر دستی ءَ پاکستان ءَ دراجیں مدت ءِ سرمایہ کاری ءِ عزم ءِ یک رندے پدا گوشت ءُ لوکل مینوفیکچرنگ منصوبگ ءِ دیمروئی ءِ بابت ءَ سرپد کت۔ آئی ءَ مرحلہ وار لوکلائزیشن پلان ءِ ھم تفصیل پیش کت، ایشی ءِ چیر دستی ءَ پاکستان ءِ آٹوموبائل ویلیو چین ءُ صنعتی بیس ءَ را لوکل وینڈرز ءُ سپلائر آنی ھوار بوھگ ءَ را گیش مھکم کنگ بیت۔ وزیر خزانہ ءَ گوشت کہ جھان ءِ رجحان الیکٹرک ٹرانسپورٹ ءِ نیمگ ءَ ترندیں گامگیج ءِ ھاسیں نشانی انت۔ آئی ءَ حکومت ءِ عزم ءِ سر ءَ زور پر دات کہ آ ٹیکنالوجی، پائیدار صنعتی دیمروئی ءُ توان ءِ جوانیں کارمردی ءَ را دیم ءَ برگ ءِ ھاترا درستیں ممکنہ سرمایہ کاری آناں دلبڈی دیگ بہ بیت۔ آئی ءَ گوشت کہ پاکستان ءِ گہتر بوھوکیں اقتصادی بنیات ءُ درائیں شوبگ ءِ تہ ءَ استحکام ءَ پیداواری سرمایہ کاری ءُ صنعتی توسیپ ءِ واستہ جوانیں چاگرد پجارینتگ۔ آئی ءَ الیکٹرک گاڑی آنی شوبگ ءِ واستہ حکومت ءِ کمک ءِ سر ءَ زور پر دات ءُ ڈل ءَ را زور پر دات کہ آ لوکل اسمبلنگ، مینوفیکچرنگ ءُ چارجنگ انفراسٹرکچر ءِ دیمروئی ءِ واستہ منصوبگ آنی سر ءَ عمل کنگ ءَ را ترند بہ کنت۔ وزیر ءِ ھزانگ ءَ گوشت کہ الیکٹرک گاڑی آنی دیمروئی ءِ واستہ سرجمیں ملک ءَ یک مھکمیں ءُ کارآمدیں چارجنگ نیٹ ورک ءِ پجارینگ المی اِنت۔ آئی ءَ پاکستان ءِ صنعتی دیمروئی ءِ تہ ءَ چینی کمپنی آنی کرد ءَ را ساڑات ءُ دل یکیمی ءِ درشان کت کہ بی وائی ڈی ءُ میگا موٹر کمپنی ءِ نیام ءَ شریکداری ءَ چہ پاکستان ءُ چین ءِ نیام ءَ اقتصادی کمک ءَ را گیش مھکم کنگ بیت۔ گند ءُ نند ءَ پاکستان ءَ الیکٹرک گاڑی ءُ پلگ ان ہائبرڈ الیکٹرک گاڑی آنی آیوکیں باندات ءِ بابت ءَ ھم گپ ءُ تران کنگ بوت۔ بی وائی ڈی ءِ ڈل ءَ جتا جتائیں ملک آنی تجربگ آنی رژنائی ءَ گوشت کہ ھما ملک آنی تہ ءَ کہ چارجنگ انفراسٹرکچر انگت ءَ دیمروئی ءِ پڑ ءَ اِنت پلگ ان ہائبرڈ گاڑی سرجمیں الیکٹرک گاڑی آنی تہ ءَ رھادگ بوھگ ءِ تہ ءَ جوانیں ءُ کمکی کرد پیلو کنت۔ گند ءُ نند ءَ پاکستان ءَ شمسی توان ءِ گیشیں کارمردی ءُ الیکٹرک ٹرانسپورٹ ءِ گوما قابل تجدید توان ءِ یکجا کنگ ءِ امکانات ءِ سر ءَ ھم سرجمی ءَ گپ ءُ تران کنگ بوت۔ گند ءُ نند ءِ گڈ ءَ پریکین ءَ الیکٹرک ٹرانسپورٹ، لوکل مینوفیکچرنگ، ٹیکنالوجی ءِ ٹرانسفر، کارکن آنی تربیت ءُ ماحول دوستیں سفری نظام ءِ دیمروئی ءِ تہ ءَ یکوئی کمک ءَ را گیش مھکم کنگ ءِ وتی عزم ءِ سر ءَ زور پر دات، تانکہ پاکستان ءَ را مینوفیکچرنگ اینڈ انوراس ایپورٹ ءِ رد ءَ خطہ ءِ تہ ءَ یک نامداریں مرکز جوڑ کنگ بہ بیت۔