بحرین ءِ دری کارانی وزیر ءَ نائب مزن وزیر اسحاق ڈار ءَ را امریکہ ءُ ایران ءِ نیام ءَ تپاکی ءِ   پد ءَ مبارکی

اسلام آباد۔18جون  (اے پی پی): بحرین ءِ دری کارانی وزیر ڈاکٹر عبدالطیف بن راشد الزیانی ءَ نائب مزن وزیر ءُ دری کارانی وزیر سینیٹر محمد اسحاق ڈار ءَ را ٹیلی فون کتگ ءُ امریکہ ءُ ایران ءِ نیام ءَ اسلام آباد ءِ تپاک نامہ ءِ سر ءَ دستخط کنگ ءِ سر ءَ مبارک بات داتگ۔ پنچ شمبے ءِ روچ ءَ درئی کارانی کارگس ءِ رد ءَ آئی ءَ دوئیں نیمگ آنی نیام ءَ بوتگیں تپاک ءِ آسراتی ءِ واستہ پاکستان ءِ تعمیری ثالثی ءِ کرد ءَ را ھم ساڑات۔ دوئیں بامرد آں اے ھاسیں دیمروئی ءِ سر ءَ یک دومی ءَ را مبارک بات دات ءُ امیت سہرا کت کہ اے گامگیج ءَ چہ دمگ ءَ برجمیں امن ءُ ایمنی ءِ دیمروئی ءَ کمک رسیت۔ آہاں پاکستان ءُ بحرین ءِ نیام ءَ مھکمیں براتی سیادی ءِ دوبر پدر کنگ ءُ دوئیں ملک آنی نیام ءَ مزن تک ءِ رابطہ ءُ نزیکیں کمک ءَ را گیش دیمروئی دیگ ءِ ارزشت ءِ سر ءَ زور پر دات۔