صدر آصف علی زرداری ءَ چین ءَ اشکر ءِ چات  ءِ تراک ءِ سرا غم ءِ درشانی  

اسلام آباد۔23مئی  (اے پی پی): صدر ءِ مملکت آصف علی زرداری ءَ چین ءَ اشکر ءِ چات  ءِ تراک ءِ سرا دلپدردی ءِ درشانی کتگ۔ شمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءَ چین ءِ صوبہ شانشی ءَ اشکر ءِ چات  ءِ تراک ءِ سر ءَ دلپدردی ءِ درشانی کتگ کہ ایشی ءِ تہ ءَ بازیں گران بھائیں جان گار بوتگ ءُ  بازیں مردم ٹپیگ بوتگ اَنت۔ صدر ءِ مملکت ءَ اے غمناکیں حادثہ ءِ سرا چین ءِ صدر شی جن پنگ، بیران بوتگیں مردمانی کھول ءُ چینی الس ءَ گوں دلپدردی ءِ درشانی کتگ۔ صدر آصف علی زرداری ءَ گشتگ کہ پاکستان ءِ اُلس مشکل ءِ اے ساھت ءَ وتی چینی براتانی ھمراھی ءَ اوشتاتگ انت ۔ آئی ءَ وئیل ءِ تہ ءَ ٹپیگیں مردمانی زوت جان سلامتی ءِ نیکیں واھگ آنی درشان کت۔ صدر ءِ مملکت ءَ امیت سہرا کت کہ برجاھیں ریسکیو آپریشن ءِ تہ ءَ پھسگ ءَ کپتگیں کارندہ آناں ایمنیں رنگ ءَ در کنگ ءِ تہ ءَ سوبمند بنت۔ آئی ءَ اے وئیل ءَ پد چینی واکدارانی نیمگ ءَ چہ کتگیں ریسکیو ءُ ایمرجنسی گامگیج آنی ھم ستا کرتگ۔