چین ءِ شہر چانگژو  ءَ وفاقی وزیر رانا تنویر حسین ءُ ہارون اختر خان ءِ نیام ءَ صنعتی کمک، ٹیکنالوجی ءِ ٹرانسفر ءُ سرمایہ کاری ءِ دیمروئی ءِ بابت ءَ ھاسیں گند ءُ نند

اسلام آباد۔23مئی  (اے پی پی): چین ءِ شہر چانگژو  ءَ راجی فوڈ سیکیورٹی ءُ  پٹ ءُ  پول ءِ وفاقی وزیر رانا تنویر حسین ءُ  مزن وزیر ءِ صنعت ءُ  پیداوار ءِ ھاسیں کمکار ہارون اختر خان ءَ پاکستان ءُ  چین ءِ نیام ءَ صنعتی کمک، ٹیکنالوجی ءِ منتقلی ءُ  سرمایہ کاری ءِ دیمروئی ءِ ھوالگ ءَ ھاسیں گند ءُ  نند کت۔ صنعت ءُ ٹیکنالوجی ءِ ادارگ آنی تر ءُ تاب کتگ۔ وزارت ءِ صنعت ءُ پیداوار ءِ نیمگ ءَ جاڑی بوتگیں بیان ءِ رد ءَ وفاقی وزیر رانا تنویر حسین ءَ گوشت کہ پاکستان ءَ نوکیں ٹیکنالوجی ءُ توان ءِ شوبگ ءَ کمک ءِ ھوالگ ءَ اسٹار چارج گروپ ءِ گوما گپ ءُ تران بوتگ۔ آئی ءَ گوشت کہ پاکستان ءَ ٹیکنالوجی ءِ ٹرانسفر ءُ صنعتی دیمروئی حکومت ءِ اولی ترجی انت۔ صنعت ءُ پیداوار ءِ ھوالگ ءَ ھاسیں کمکار ھارون اختر خان ءَ گوشت کہ پاکستان ءُ چین ءِ نیام ءَ صنعتی شریکداری ءَ را گیش مھکم کنگ ءِ واستہ چین ءِ تر ءُ تاب کتگ، پاکستان ءَ نوکیں صنعتی دیمروئی ءُ سرمایہ کاری ءِ واستہ نوکیں موہ پیداک بوھگ ءَ انت۔ آئی ءَ گوشت کہ پاکستان ءَ ای وی انفراسٹرکچر ءُ  سمارٹ انرجی منصوبگ آنی سر ءَ مزنیں پیشرفت بوتگ، چین ءِ صنعتی دیمروئی ماڈل ءَ چہ دربرگ ءُ  کمک ءِ واستہ نوکیں موہ آناں پٹ ءُ  پول کنگ بوھگ ءَ انت۔ ہارون اختر خان ءَ گوشت کہ چانگفا گروپ ءِ گوما کمک ءَ چہ بنجاہی مینوفیکچرنگ ءُ صنعتی دیمروئی ءَ را دیمروئی رسیت۔ آئی ءَ گوشت کہ پاکستان ءِ اقتصادی دیمروئی ءَ سرمایہ کاری، ٹیکنالوجی ءِ ٹرانسفر ءُ  صنعتی کمک ءِ ھاسیں کرد پیلو بیت، پاکستان ءِ صنعت ءَ را نوک جوڑ کنگ ءُ  مینوفیکچرنگ ءِ توان آنی دیمروئی ءِ واستہ عملی گامگیج زورگ ءَ انت۔ وفاقی وزیر رانا تنویر حسین ءُ ھاسیں کمکار ہارون اختر خان ءَ چانگژو  ءِ میئر ءَ گوں ھم گند ءُ نند کتگ۔