فیلڈ مارشل سید عاصم منیر ایران ءِ وتی سکیں ھاسیں سرکاری تر ءُ تاب   سرجم

راولپنڈی۔23مئی  (اے پی پی):  پاک اُرد ءِ سروک ءُ دفاعی اُرد ءِ سروک فیلڈ مارشل سید عاصم منیر ءَ ایران ءِ کسانیں ءُ سک باز ھاسیں سرکاری تر ءُ تاب سرجم کتگ کہ ایشی ءِ ساھت ءَ آئی ءَ ایران ءِ سروکی ءَ گوں مزن تک ءِ گند ءُ نند کتگ ۔ اے گند ءُ نند 8 اپریل 2026 ءَ جنگ بندی ءَ پد دمگ ءَ برجاھیں کش ءُ چیل ءِ رد ءَ کش ءُ چیل ءِ کم کنگ ءُ جوڑیشت ءِ سیادی ءِ دیمروئی ءِ ھاترا برجاھیں میانجی داری ءِ کوشست آنی بھر بوتگ اَنت۔ شمبے ءِ روچ ءَ پاک فوج ءِ شوبگ آئی ایس پی آر ءِ رد ءَ   فیلڈ مارشل  سید عاصم منیر  ءَ  ایرانی صدر مسعود پیزشکیان، ایرانی پارلیمنٹ  ءِ  اسپیکرمحمد باقر غالباف ، وزیر خارجہ  عباس عراقچی    ءُ  ایرانی وزیر داخلہ  اسکندر مومنی ءَ گوں گند ءُ نند کت۔ گند ءُ نند ءَ پڑ ءَ ایمنی ءُ برجائی ، کشاں چیل آنی تہ ءَ کمی ءُ جاڑیگیں شول ءُ سلاھ آناں ترند کنگ ءِ ھوالگ ءَ سرجمیں تران  کنگ بوت۔  گوستگیں 24کلاک آنی تہ ءَ بوتگیں گپ ءُ  تران آنی تہ ءَ ھاسیں پیشرفت بوتگ ءُ  فریقین گڈی تپاک ءِ نیمگ ءَ جوانیں رنگ ءَ دیم ءَ روگ ءَ اَنت۔ مذاکرات ءِ عمل یک وشیں ءُ  تعمیری ماحول ءِ تہا برجاہ بوتگ کہ ایشی ءَ چہ میانجی داری ءِ کوشست گیش مھکم بوتگ انت۔ ایران ءِ سروکی ءَ دمگی جیڈھ آنی پرامن گیواری ءُ  گپ ءُ  تران ءِ دیمروئی ءِ تہ ءَ پاکستان ءِ مخلص ءُ  جوانیں کرد ءَ را ساڑات۔ آئی ایس پی آر ءِ رد ءَ فیلڈ مارشل سید عاصم منیر ءِ ایران ءَ آیگ ءَ پد آئی ءَ را ایران ءِ تہی کارانی وزیر سکندر مومنی ءُ مزنیں سول ءُ فوجی کارندہاں وش آتک کتگ۔