صوبہ ژجیانگ ءِ گوما جتا جتائیں پڑ آنی تہ ءَ عملی کمک ءَ را گیش مھکم کنگ  ءِ واھشت ائیگ اِنت ، مزن وزیر شہباز شریف

اسلام آباد۔23مئی  (اے پی پی): مزن وزیر محمد شہباز شریف ءَ چینی واکدار آنی منت گپت کہ آ ژجیانگ ءَ جوانیں وش آتک کنگ ءَ انت ءُ  گوشت کہ آ چینی صوبہ ژجیانگ ءِ گوما جتا جتائیں پڑ آنی تہ ءَ عملی کمک ءَ را گیش مھکم کنگ ءِ واھشت مند انت۔ شمبے ءِ روچ ءَ ایکس ءِ سر ءَ وتی کلوہ ءِ تہ ءَ مزن وزیر ءَ گوشت کہ آ چین ءِ سرکاری تر ءُ  تاب ءِ سر ءَ ژجیانگ ءِ زیبائیں ءُ  زندگیں شہر ھانگجو ءَ آں ۔ آئی ءَ صوبہ ژجیانگ ءِ سروکی ءِ منت گپت کہ آ آئی ءُ  آئی ءِ ڈل ءَ را گرمیں وش آتک کنگ ءَ انت ءُ  گوشت کہ ما ڈیجیٹل معیشت، ای کامرس، انفارمیشن ٹیکنالوجی، ٹیلی کمیونیکیشن، کشت ءُ  کشاری، نوکیں صنعتی توانائی ءُ  نوکیں مہارت ءَ ھوار جتا جتائیں پڑ آنی تہ ءَ ژجیانگ صوبہ ءِ گوما عملی کمک ءَ را گیش مھکم کنگ ءِ واھشت مند ایں ۔ مزن وزیر ءَ گوشت کہ پاکستان ءُ  چین ءِ نیام ءَ سفارتی سیادی ءِ 75سال ءِ مراگش ءِ درگت ءَ صدر شی جن پنگ ءُ  چینی سروکی ءَ گوں گند ءُ  نند ءِ واھشت مند آں ۔ آئی ءَ دوئیں براتیں راج آنی نیام ءَ دیریں دوستی ءِ بندوک آناں گیش مھکم کنگ ءِ واستہ وتی جزم ءِ سر ءَ زور پر دات۔