لاہور ۔23مئی (اے پی پی): مزن وزیر محمد شہباز شریف چین ءِ چار روچی تر ءُ تاب ءِ اولی بھر ءَ ہانگژو ءَ شتگ۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ نائب مزن وزیر ءُ درئی کارانی وزیر سینیٹر محمد اسحاق ڈار، منصوبگ بندی ءِ وزیر احسن اقبال، اطلاعات ءُ نشریات ءِ وزیر عطا اللہ تارڑ، آئی …
مزن وزیر محمد شہباز شریف چین ءِ چار روچی تر ءُ تاب ءِ اولی بھر ءَ ہانگژو ءَ روادگ
گیشتریں ھال
لاہور ۔23مئی (اے پی پی): مزن وزیر محمد شہباز شریف چین ءِ چار روچی تر ءُ تاب ءِ اولی بھر ءَ ہانگژو ءَ شتگ۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ نائب مزن وزیر ءُ درئی کارانی وزیر سینیٹر محمد اسحاق ڈار، منصوبگ بندی ءِ وزیر احسن اقبال، اطلاعات ءُ نشریات ءِ وزیر عطا اللہ تارڑ، آئی ٹی ءِ وزیر شزہ فاطمہ خواجہ ءُ ھاسیں وزیر فاطمی ءِ ھوار انت۔ مزن وزیر ہانگژو ءَ صوبہ ژجیانگ ءِ پارٹی سیکرٹری ءَ گوں گند ءُ نند کنت، سی پیک فیز ٹو ءِ چیر دستی ءَ پاکستانی ءُ چینی کمپنیانی نیام ءَ کمک ءَ را دیمروئی دیگ ءِ واستہ برجم داشتگیں کاروباری فورم ءَ بہر زوریت ءُ منوگری ءُ تپاک نامہ ءِ بدلی ءِ مراگش ءَ بہر زوریت۔ مزن وزیر چینی نامداریں کمپنی آنی سی ای اوز آنی گوما ھم گند ءُ نند کنت۔ مزن وزیر چینی کمپنی علی بابا ءِ ہیڈ کوارٹر ءِ ھم تر ءُ تاب کنت ءُ کمک ءِ واستہ تپاک نامہ آنی سر ءَ دستخط کنگ ءِ مراگش ءَ ھم بھر زوری کنت۔ ایشی ءَ پد مزن وزیر بیجنگ ءَ روت۔ بیجنگ ءَ مزن وزیر چین ءِ صدر شی جن پنگ ءُ مزن وزیر لی کی کیانگ ءَ گوں گند ءُ نند کنت۔ مزن وزیر پاکستان ءُ چین ءِ نیام ءَ سفارتی سیادی ءِ 75 سال ءِ درگت ءَ مراگش ءَ ھم بھر زوری کنت ۔ مزن وزیر چینی مزنیں کمپنیانی سروک آں گوں ھم گند ءُ نند کنت ۔ مزن وزیر چائنا اکیڈمی آف ایگریکلچرل سائنسز ءِ ھم تر ءُ تاب کنت ۔ مزن وزیر ءِ چین ءِ تر ءُ تاب ءَ چہ پاکستان ءُ چین ءِ سیادی ءَ را ھاسیں رنگ ءَ سی پیک فیز ٹو ءِ چیر دستی ءَ نوکیں رنگ ءُ دروشم گیش بنت ایشی ءِ تہ ءَ پاکستانی ءُ چینی کمپنی آنی گوما کمک ءِ تہ ءَ گیشی ھوار بیت۔
