وائٹ ہاؤس ءِ نمائندہ آنی شپ ءِ ورگ ءِ وھد ءَ تیر گواری، امریکی صدر ءِ جان  بچ اتگ، ارش کنوک دزگیر کنگ بوتگ

واشنگٹن۔26اپریل  (اے پی پی): وائٹ ہاؤس ءِ نمائندہ آنی انجمن ءِ شپ ءِ ورگ ءِ وھد ءَ امریکی صدر ڈونلڈ ٹرمپ ءِ ھستیں وھد ءَ تیرگواری ءِ وئیل بوتگ کہ ایشی ءِ تہ ءَ صدر ٹرمپ ءِ جان سلامتی بوتگ وھدے کہ اُرش کنوک دزگیر کنگ بوتگ۔ امریکی رسانکدر ءِ رد ءَ شمبے ءِ شپ ءَ صدر ڈونلڈ ٹرمپ ءِ ھستیں وھد ءَ سالانہ وائٹ ہاؤس ءِ نمائندہ آنی شپ ءِ ورگ ءِ مراگش ھما وھد ءَ ھلاس کنگ بوتگ کہ ھوٹل ءَ تیرگواری ءِ وئیل بوتگ۔ حالانی ردا صدر ٹرمپ ءَ را زوت سر ءِ میز ءَ چہ یک ایمنیں جاہے ءَ شنگ کنگ بوتگ وھدے کہ مراگش ءَ ھواریں درستیں مردم ایمن بوتگ انت۔ مراگش ءِ تہ ءَ چہ ویڈیوز گندگ بنت کہ آھانی تہ ءَ صدر ءِ یلہ کنگ ءِ وھد ءَ سیکورٹی گامگیج آنی چیر دستی ءَ بھر زوروکیں مردم جھکگ ءَ اَنت۔ ھالانی رد ءَ صدر ٹرمپ ءُ دگہ ھاسیں مردم چہ وتی جاہ ءَ ایمنی ءَ در کنگ بوتگ اَنت ءُ سیکورٹی ادارگاں یک ملزمے دزگیر کتگ۔ ادارہ قانونی واقعہ ءِ پٹ ءُ پول ءَ برجاہ دارگ ءَ انت۔ اے اولی رند ات کہ صدر ٹرمپ ءَ صدر ءِ بستار ءَ اے مراگش ءَ بہر زرتگ ات ءُ آئی ءَ را گشتانک ہم دیگ بوتگ ات۔ دگہ مردم کہ یک محفوظیں جاہ ءَ شنگ کنگ بوتگ انت آہانی تہا ہاؤس اسپیکر مائیک جانسن ءُ نائب صدر جے ڈی وینسی ہوار انت۔ صدر ڈونلڈ ٹرمپ ءَ سوشل میڈیا ءِ سر ءَ وتی بیان ءِ تہ ءَ سیکرٹ سروس ءِ کارکردگی ءِ توسیپ کتگ ءُ گْوشتگ کہ آیاں زوت ءُ دلیری ءَ گوں کار کتگ۔ آئی ءَ گوشت کہ واشنگٹن ءَ یک غیر معمولی شامے بوتگ، سیکرٹ سروس ءُ کانود ءِ نفاذ ءِ ادارگاں جوانیں کار کتگ۔ صدر ٹرمپ ءَ گشتگ کہ آئی ءَ اے مراگش ءِ برجاہ دارگ ءِ سفارش کتگ بلے آ قانون نافذ کنوکیں ادارہانی ہدایتانی سرجمی ءَ عمل کنت۔ وائٹ ہاؤس ءِ نمائندہانی انجمن ءِ صدر ویجیا جیانگ ءَ ھواریں مردماں گوں تران کنان ءَ گشتگ کہ اے مراگش ءِ وھد ءُ پاس دیمتر ءَ بدل کنگ بیت۔