اقوام متحدہ ءِ  نوکیں سیکرٹری جنرل ءِ گچین کاری ءِ عمل تیز بیت، امیدوارانی گوما ھاسیں گپ ءُ تران بندات

اقوام متحدہ ۔22اپریل  (اے پی پی): اقوام متحدہ ءِ جنرل اسمبلی ءَ نوکیں سیکرٹری جنرل ءِ گچین کنگ ءِ واستہ امیدوار آنی گوما دو روچی انٹرایکٹو گپ ءُ تران بندات کتگ۔ شین ہوا ءِ رد ءَ گپ ءُ تران چلی ءِ پیسریگیں صدر میشل بیشلٹ ءَ گوں بندات بوتگ کہ آ اے ھاسیں عہدہ ءِ ھاتر ءَ سروکیں امیدوارانی تہ ءَ ھوار اِنت۔ جنرل اسمبلی ءِ صدر اینالینا  بائر بوک  ءَ گشتگ کہ سیکرٹری جنرل ءِ گچین کاری ءَ چہ نہ ایوک ءَ اقوام متحدہ بلکینگ ءَ سرجمیں دگنیا ءِ سرا اثر کپیت ءُ گلوبل آرگنائزیشن ءِ آیوکیں رپک ءِ ہم زانگ بیت۔ آئی ءَ اے گپ ءِ سر ءَ زور پر دات کہ اے وھد ءَ دگنیا ءَ را بازیں چیلنج آنی دیم ءَ انت، ایشی ءِ تہ ءَ جیو پولیٹیکل بدلی، گیش بوھوکیں جیڑھ، موسمیاتی بحران، ترندیں ٹیکنالوجی ءُ جھان ءِ نابرابری ھوار انت، پمیشکا جھان ءِ کمک ناگزیر بوتگ۔ رپورٹ ءِ رد ءَ اے عہدہ ءِ ھاتر ءَ چار امیدوار دیم ءَ اَنت کہ آھانی تہ ءَ میشل بیشلٹ ، رافیل گروسی، میکی   سال  ءُ   ربیکا گرن سپین  ھوار اَنت۔ انوگیں سیکرٹری جنرل انتونیو گوتریس آئی ءَ 2017 ءَ چہ وتی عہدہ ءِ سر ءَ کار کنگ ءَ اِنت وھدے کہ نوکیں سیکرٹری جنرل یکم جنوری 2027 ءَ چہ وتی کاراں بندات کنت۔