یورپ ءَ جیٹ ایندھن ءِ کمی ءِ ترس اِنت، بالی گراباں اثر کپت کنت، انٹرنیشنل انرجی ایجنسی ءَ ھال داتگ

ویانا۔17اپریل (اے پی پی): میاں اوستمانی توانائی ءِ ادارگ ءَ ھال داتگ کہ اگاں انوگیں سپلائی ءِ تہ ءَ رکاوٹ برجاہ بہ بنت گڑا یورپ ءَ جیٹ ایندھن ءِ ذخیرہ ءِ تہ ءَ تھنا شش ھپتگ ءِ کساس ءَ ھست بوت کنت۔ شین ہوا ءِ رد ءَ ادارگ ءِ ایگزیکٹو ڈائریکٹر فاتح بیرول ءَ گشتگ کہ میاں اوستمانی تک ءَ برجاھیں جیڈھ ءِ سبب ءَ تیل ءِ شپمنٹ ءِ تہ ءَ رکاوٹ ءِ سبب ءَ بالی گراب ءِ منسوخی زوت بندات بوت کنت۔ بیان ءِ رد ءَ آبنائے ہرمز ءِ وسیلگ ءَ تیل، گیس ءُ ایندگر ھاسیں وسیلگ آنی سپلائی ءِ تہ ءَ ھرابکاری اے بوت کنوکیں بحران ءِ مستریں سبب اِنت کہ ایشی ءَ را جھان ءِ تہ ءَ انگت ءَ مزنیں توانائی ءِ بحران آنی تہ ءَ یکے لیکگ بوھگ ءَ اِنت۔ فاتح بیرول ءَ ھشدار داتگ کہ اے جاور ھال ءِ سبب ءَ جھان ءِ معیشت ءِ سر ءَ مزنیں اثرے کپ ایت ءُ اگاں سپلائی ءِ تہ ءَ رکاوٹ دراجیں وھد ءَ برجاہ بہ بیت گڈا اقتصادی دیمروئی ءَ را تاوان رسیت ءُ مہنگائی ھم گیش بوت کنت۔