صدر ٹرمپ گوں ایران ءَ مزنیں سودا یے لوٹیت، کسانیں سودا یے نہ لوٹیت، جے ڈی وینس

واشنگٹن ۔15اپریل  (اے پی پی): امریکا ءِ نائب صدر جے ڈی وینسی ءَ گشتگ صدر ٹرمپ گوں ایران ءَ کسانیں گپے نہ بلکیں مزنیں گپے لوٹیت۔ بی بی سی ءِ رد ءَ امریکی گل ٹرننگ پوائنٹ یو ایس اے ءِ نیمگ ءَ برجم داشتگیں گپ ءُ تران ءِ تہ ءَ جے ڈی وینسی ءَ گْوشتگ کہ اگاں ایران وعدہ بہ کنت کہ آ ایٹمی سلاہ جوڑ نہ کنت گڑا ما اے گپ ءَ دل یکیمی کنیں کہ آ معاشی رد ءَ دیمروئی بہ کنت۔ اے ھما پیشکش اِنت کہ امریکی صدر ایران ءَ کنگ ءَ اِنت ءُ ایشی ءِ ممکن کنگ ءِ ھاترا گپ ءُ تران ءَ برجاہ دار ایت۔ جے ڈی وینسی ءِ رد ءَ صدر ٹرمپ ءَ آئی ءَ را گشتگ ات کہ پاکستان ءَ نیک نیتی ءَ گوں ایران ءَ گپ ءُ تران بہ کنت بلے آئی ءَ اے گپ ھم من اِتگ کہ امریکہ ءُ ایران ءِ نیام ءَ بازیں بے باوری یے است کہ یک روچے ءَ ھلاس کنگ نہ بیت۔ اے گپ ءِ باوجود امریکی نائب صدر دوئیں ملکانی نیام ءَ دیمروئی ءَ چہ مطمئن گندگ بوتگ۔ آئی ءَ گوشت کہ جوانیں گپ ایش انت کہ جنگ بندی جاری انت ءُ مارا دیمروئی ءِ بابت ءَ جوانیں مارشت بوھگ ءَ انت۔