واشنگٹن ۔15اپریل (اے پی پی): امریکی صدر ڈونلڈ ٹرمپ ءَ گشتگ ایران ءِ جنگ نزیک انت ۔ بی بی سی ءِ رد ءَ آئی ءَ اے گپ اھوالکار ماریا بارٹیرومو ءَ گوں گوستگیں انٹرویو ءَ کتگ کہ اے انٹرویو امریکی شنگکاری ادارہ فاکس نیوز ءَ شنگ کنگ بیت۔ انٹرویو ءِ لہتیں بہر فاکس نیوز ءَ شنگ کتگ انت ءُ سرجمیں انٹرویو امریکی وھد ءِ رد ءَ شپ ءِ شش ءَ …
ایران ءِ جنگ ھلاسی ءِ نزیک اِنت، ڈونلڈ ٹرمپ
گیشتریں ھال
واشنگٹن ۔15اپریل (اے پی پی): امریکی صدر ڈونلڈ ٹرمپ ءَ گشتگ ایران ءِ جنگ نزیک انت ۔ بی بی سی ءِ رد ءَ آئی ءَ اے گپ اھوالکار ماریا بارٹیرومو ءَ گوں گوستگیں انٹرویو ءَ کتگ کہ اے انٹرویو امریکی شنگکاری ادارہ فاکس نیوز ءَ شنگ کنگ بیت۔ انٹرویو ءِ لہتیں بہر فاکس نیوز ءَ شنگ کتگ انت ءُ سرجمیں انٹرویو امریکی وھد ءِ رد ءَ شپ ءِ شش ءَ (پاکستانی وھد ءِ رد ءَ پنچ شمبے ءِ روچ ءَ 9 بج ءَ) شنگ کنگ بیت۔ فاکس نیوز ءِ ایکس ءِ سر ءَ شنگ بوتگیں انٹرویو ءِ بہر ءَ ماریا بارٹیرومو امریکی صدر ءَ جست کنت کہ اے جنگ ھلاس بوتگ؟ اے گپ ءِ پسو ءَ ٹرمپ گشیت کہ منی ھیال ءَ اے جنگ ’آخر ءِ نزیک ءَ اِنت‘۔ فاکس نیوز ءَ گوں تران کنان ءَ امریکی صدر ءَ گشتگ کہ بیا اِت کہ دیم ءَ چے بیت، منی حیال ءَ آ (ایران) یک ڈیل ءِ سر ءَ سر بوھگ ءِ شوقین اَنت۔ دیمترا صدر ٹرمپ گشیت کہ اگاں آئی ءَ ایران ءِ سرا اُرش مہ کتیں گڑا ایران ءَ ایٹمی سلاہ جوڑ کتگ ات۔
