ایران گوں امریکا ءَ جنگ نہ لوٹیت بلکیں وتی حقانی دیمپانی ءَ کناں، ایران

تہرا ن۔10اپریل  (اے پی پی): ایران ءِ نوکیں سروک مجتبی خامنہ ای ءَ وتی نوکیں نبشتھی کلوہ ءِ تہ ءَ گْوشتگ کہ منی ملک گوں امریکا ءَ جنگ نہ لوٹ ایت بلکیں یک راجے ءِ بستار ءَ وتی ھکانی رکھینگ ءَ کنت۔ فرانس ءِ ھال رسانکی ادارگ اے ایف پی ءِ رد ءَ اے پیغام آئی ءِ پت آیت اللہ خامنہ ای ءِ بیرانی ءِ 40 روچ ءِ درگت ءَ وانگ بوتگ کہ 28 فروری ءَ اُرشانی آماچ بوتگ۔ مجتبیٰ خامنہ ای ءَ گوشت کہ ما نا جنگ لوٹ اتگ ءُ نہ لوٹاں بلے ما اچ رنگ ءَ وتی جائزیں ھک آں چہ دستبردار بوت نہ کناں ءُ اے رد ءَ ما  اے  سرجمیں گہگیری ءَ را یک اجتماعی فرضے ءِ دروشم ءَ پیش داشتگ۔” آئی ءَ گیش کرتگ کہ ایران آبنائے ہرمز ءِ اسٹریٹجک انتظام ءِ تہ ءَ نوکیں پڑ ءَ داخل بیت۔ ایران ءِ راج ءَ گوں تران کنان ءَ مجتبی خامنہ ای ءَ گوشت کہ جنگ بندی ءِ جار ءِ باوجود "آ اے گپ ءَ مہ جیڑ اَنت کہ  سڑک ءُ دگ آنی سر ءَ در کپگ نوں المی نہ بوتگ۔ کلوہ ءِ رد ءَ آئی ءَ گوشت کہ السی ھند  ءُ جاہ آنی سر ءَ  برز ءُ بلند بوھوکیں شمے گوانک   دل یکیمی رنگ ءَ  سول ءُ تران آنی  آسر انی سر ءَ اسر مند بوت کناں۔