باز  لہتیں اتحادیاں گوں امریکی ناامیتی ءَ  من سرپد بوت کناں، نیٹو چیف

نیویارک۔9اپریل  (اے پی پی): نیٹو ءِ سیکرٹری جنرل مارک روٹ ءَ گشتگ کہ آ ایران ءِ گوما جنگ ءِ جیڑہ ءِ سرا لھتیں اتحادی ملکانی کارروائی ءِ سرا امریکہ ءِ ناامیتی ءَ سرپد بوت کنت۔ تاس ءِ رد ءَ سی این ان ءَ داتگیں انٹرویو ءِ تہ ءَ آئی ءَ گْوشتگ کہ امریکی صدر ڈونلڈ ٹرمپ ءَ گوں آئی ءَ گپ ءُ تران ءِ وھد ءَ نیٹو ءِ بازیں ھمراھانی رھبند ءِ سر ءَ دلپروشی ءِ درشانی کتگ۔ مارک روٹے ءَ گشتگ کہ آ نیٹو ءِ بازیں اتحادیاں چہ پدر انت ءُ من آہانی نقطہ نظر ءَ سرپد بوت کناں، البت من اے گپ ءِ ہم نشاندہی کتگ کہ یورپی ملکانی مزنیں بہرے ءَ اڈہ، رسد، فضائی حدود ءِ کارمرز کنگ ءُ وتی وعدہانی پیلو کنگ ءِ ھاتر ءَ کمک کتگ۔ نیٹو ءِ سروک ءَ امریکی صدر ءِ گوما وتی گپ ءُ تران ءَ را ساپ ءُ پلگار لیک اتگ ءُ گشتگ کہ اے گپ دو جوانیں سنگتانی نیام ءَ بوتگ۔