وفاقی آئینی عدالت ءَ زمین ءِ ساعت 2026 ءَ بہر زورگ ءِ جار جتگ

اسلام آباد۔28مارچ (اے پی پی): وفاقی آئینی آمید گس ءَ ارتھ آور 2026 ءِ تہ ءَ بھر زوری ءِ جار جتگ ءُ گوشت کہ اے یک جھان ءِ گامگیج اِنت کہ ایشی ءِ مول ءُ مراد موسمی بدلی ءُ چاگردی رکھینگ ءِ بابت ءَ سرپدی پیداک کنگ اِنت۔ اے جھان ءِ کوشست ءِ گوما یکوئی ءِ درشان ءِ رد ءَ 28 مارچ 2026 ءَ شپ ءِ 8:30 ءَ بگر داں 9:30 ءَ آمید گس ءِ ماڑی ءِ چراگ بند کنگ بنت کہ اے آمید گس ءِ چاگردی پائیداری ءِ عزم ءِ علامتی عکس اِنت۔ وفاقی آئینی آمید گس ءِ نیمگ ءَ چہ شنگ بوتگیں پریس ریلیز ءِ رد ءَ اے وھد ءَ کہ چاگردی ھرابکاری انسانی جان سلامتی ءُ ماحولیاتی توازن ءَ را مزنیں ھترہ ءِ دیم ءَ آرگ ءَ اِنت، پاکستان ءِ وفاقی آئینی آمید گس اے گپ ءَ من ایت کہ چاگردی رکھینگ ءِ گوں چاگردی انصاف ءِ تصور ءَ گوں نزیکی اِنت کہ اے قانون ءِ بنیاتی انصاف ءِ یک جتائیں بہرے اِنت۔ آمید گس چاگردی انصاف ءِ دیمروئی ءُ آئی ءِ درستیں تک ءُ پھنات آنی تہ ءَ آئی ءِ رکھینگ ءِ ھاترا سرجمی ءَ جزم اِنت۔ ماحولیاتی چیلنج آنی گیواری ءِ واستہ آمید گس ءَ اے گپ ءِ سر ءَ ھم زور داتگ کہ صنعتی آلودگی ءَ را کم کنگ، جنگل آنی ھلاسی ءِ ھلاپ ءَ کار کنگ، ردی ءِ جوانیں بندوبست ءُ ھوا ءِ کوالٹی ءَ را گہتر کنگ ءِ وڑیں جامع گامگیج زورگ بہ بنت۔ زمینی ساعت 2026 ءِ موہ ءَ پاکستان ءِ وفاقی آئینی آمید گس ءَ انوگیں ءُ آیوکیں نسل آنی واستہ یک ساپ ءُ پلگاریں، سبز ءُ پائیداریں آیوکیں وھد ءِ واستہ وتی بے مٹیں عزم ءِ پدر کنگ ءَ انت۔