شمالی بلوچستان ءُ خیبر پختونخوا ءَ فلیش سیلاب ءِ امکان انت، محکمہ موسمیات ءَ ھال شنگ کتگ

اسلام آباد۔28مارچ (اے پی پی): محکمہ موسمیات ءَ ھال داتگ کہ شمبے ءِ روچ ءَ شپ ءُ روچ ءَ بگر داں 29 مارچ ءَ ھور ءِ سبب ءَ رودراتکی بلوچستان ءِ جتا جتائیں ضلع آنی تہ ءَ فلیش فلوڈنگ ءِ امکان است انت۔ دریا ءُ نہراں سیلاب ءِ سوب جوڑ بنت۔ دومی نیمگ ءَ مرچی شپ ءَ بگر داں 30 مارچ ءَ بالائی ءُ میانجی خیبر پختونخوا ءِ دمگی دریا ءُ نہر آنی تہ ءَ فلیش فلوڈنگ ءِ ھال داتگ۔محکمہ موسمیات ءَ ھال داتگ کہ تُرندیں ھئور، ھئور ءُ ھئور ءِ سبب ءَ بجلی ءِ ڈنڈے، بل بورڈ ءُ سولر پینل ءِ وڑیں نزوریں بنیاتی ڈھانچہ آناں تاوان رسیت۔ آیوکیں 24 کلاک ءِ تہ ءَ اسلام آباد ، بالائی ءُ میانجی پنجاب ، کشمیر ءُ گلگت بلتستان ءِ جتاجتائیں جاھاں ھور ءُ ھئور ءِ گمان اِنت ءُ شمال مشرقی بلوچستان ءُ رودراتکی پنجاب ءِ لھتیں جاھاں ھم ھور ءِ گمان اِنت ۔ لہتیں دمگاں ھئور ءُ ھئور ءِ ھم پیش گوئی کنگ بوتگ۔ یک شمبے ءِ روچ ءَ ملک ءِ گیشتریں بُرزیں دمگاں وقفہ وقفہ ءَ ھور ءِ گمان برجاہ اِنت وھدیکہ سندھ ءُ رودراتکی پنجاب ءِ لھتیں دمگاں تُرندیں ھور ءُ ھئور ءِ ھم گمان اِنت۔ محکمہ موسمیات ءِ ردا گوستگیں بیست ءُ چلکلاکانی تہا ملک ءِ گیشتریں دمگاں موسم ھشک ءُ لہتیں دمگاں جمبری بوتگ بلے جنوب رودراتکی ءُ رودراتکی بلوچستان ءِ چندیں دمگاں ہور بوتگ۔ گیشتر کوئٹہ ءُ پنجگور ءَ ہور یک یک ملی میٹر ریکارڈ بوتگ۔ دومی نیمگ ءَ شمبے ءِ روچ ءَ شہید بے نظیر آباد ءَ گیشتریں درجہ حرارت 40 ڈگری سینٹی گریڈ ریکارڈ کنگ بوتگ ، اسکرند ءَ 39 ءُ رحیم یار خان ، خان پور ، لاڑکانہ ءُ میتھی ءَ 38 سینٹی گریڈ ریکارڈ کنگ بوتگ۔