فطرت ءِ رکھینگ مئے مستریں ذمہ واری آنی تہ ءَ ھوار انت، مزن وزیر شہباز شریف

اسلام آباد۔28مارچ (اے پی پی): مزن وزیر محمد شہباز شریف ءَ استیں جاور ھال آنی تہ ءَ توان ءِ رکھینگ ءِ سر ءَ زور پر دیان ءَ گوشت کہ فطرت ءِ رکھینگ مئے مستریں ذمہ واری آنی تہ ءَ ھوار اِنت۔ شمبے ءِ روچ ءَ ایکس ءِ سر ءَ وتی کلوہ ءِ تہ ءَ مزن وزیر ءَ شہری آناں ارتھ آور ءَ سرجمی ءَ بھر زوری کنگ ءِ لوٹ کت۔ آئی ءَ گوشت کہ ارتھ آور مارا وتی زمین ءِ رکھینگ ءِ واستہ وتی کرد ءَ پیلو کنگ ءِ یات ءَ دنت کہ مئے ارزشتی تریں سرڈگار اِنت۔ آئی ءَ گوشت کہ توانائی ءِ رکھینگ فطرت ءِ نگہبانی ءِ بستار ءَ مئے ذمہ واری آنی تہ ءَ ھوار اِنت۔ اے گپ ھم المی اِنت پرچا کہ میاں اوستمانی تک ءَ برجاھیں جیڑھ ءِ سبب ءَ اقتصادی دباؤ پیداک اَنت۔ سرکار وتی مہلوک ءِ سرا وتی اثراتاں کم کنگ ءِ ہر وڑیں کوشست کنگ ءَ انت۔ توانائی ءِ ہر یونٹ ءِ بچت ءَ چہ سرجمیں پاکستان ءَ لوگ آناں ریلیف رسیت۔ آئی ءَ شہری آناں ارتھ آور ءِ تہ ءَ سرجمی ءَ بھر زوری ءِ واستہ دلبڈی دات۔