خالد تیمور اکرم ءِ گشگ انت کہ جنوبی ایشیا ءِ تہا چاگردی جیڑہانی گیش ءُ گیوار ءِ ھاترا دمگی کمک المی انت

چینگدو، چین۔28مارچ (اے پی پی): پاکستان ریسرچ سینٹر فار یک کمیونٹی ویڈ شیئرڈ فیوچر ءِ ایگزیکٹو ڈائریکٹر خالد تیمور اکرم ءَ جنوبی ایشیا ءَ موسمی بدلی ءِ گیواری ءِ واستہ دمگی کمک، پالیسی ءِ ہم آہنگی ءُ پائیدار دیمروئی ءَ را المی لیک اتگ۔ ءُ 27مارچ ءَ چین ءِ شہر چینگڈو ءَ برجم داشتگیں فیوا ڈائیلاگ 2026 ءَ گوں تران کنان ءَ آئی ءَ گوشت کہ موسمیاتی بدلی دمگ ءِ واستہ یک مشترکہ ءُ سنگینیں چیلنج اِنت، ایشی ءَ چہ معیشت، روزگار ءُ ماحولیاتی نظام ءَ را تاوان رسیت۔ پریس ریلیز ءِ رد ءَ فیوا ڈائیلاگ ءِ مول ءُ مراد جنوبی ایشیائی ملک آنی نیام ءَ گپ ءُ تران ءُ کمک ءَ را دیم ءَ برگ انت۔ اے گپ ءُ تران ءِ بندات 2024 ءَ پوکھارا ءَ بوتگیں اولی دیوان ءَ چہ بوتگ وھدے کہ انوگیں دیوان اے سلسلہ ءِ دومی ایڈیشن اِنت کہ ایشی ءِ بنگپ ’’موسمیاتی بدلی ءُ گورننس ءِ رد ءَ جنوبی ایشیا ءِ دیمروئی‘‘ بوتگ۔ اے گپ ءُ تران ءِ بندوبست سچوان یونیورسٹی ءُ تریبووان یونیورسٹی ءِ چین سینٹر فار ساؤتھ ایشیا اسٹڈیز ءِ نیمگ ءَ یکجائی ءَ کنگ بوتگ ءُ ایشی ءِ تہ ءَ ماہرین، زانتکار ءُ پالیسی سازاں بھر زرتگ۔ اے گپ ءُ تران ءِ مول ءُ مراد ماہرین، زانتکار ءُ پالیسی ساز آناں یک پلیٹ فارم ءِ سر ءَ یکجا کنگ، دانشورانہ وسیلگ آناں کارمرد کنگ، یکے دومی ءِ سر ءَ سرپدی ءَ را گیش کنگ ءُ بدل بوھوکیں جھان ءُ چاگردی چیلنج آنی رد ءَ جنوبی ایشیا ءَ پائیدار دیمروئی ءَ را دیم ءَ برگ بوتگ۔ پی ایچ اے ڈائیلاگ 2026 ءَ را سئے تھیمٹک فورم آنی تہ ءَ بھر کنگ بوتگ۔ اولی بنگپ ءِ تہ ءَ چیلنج آنی گیواری ءِ واستہ کمک بوتگ-جنوبی ایشیا ءَ دمگی اقتصادی یکجاھی ءِ دیمروئی۔

اے دیوان ءَ اے گپ ءِ سر ءَ ھیال ءُ لیکہ کنگ بوت کہ جنوبی ایشیائی ملک اقتصادی کمک ءَ را چوں مھکم کن اَنت، دمگی رابطہ ءَ را گہتر کن اَنت ءُ پالیسی ءِ ھمگرنچی ءِ وسیلگ ءَ یک مھکم ءُ یکجاھیں دمگی معیشت ءِ جوڑ کنگ ءَ ھاسیں رنگ ءَ موسمی بدلی ءِ رد ءَ چے پیم ءَ جوڑ کن اَنت۔ دومی بنگپ ءِ تہ ءَ دیمروئی ءِ ھاترا سبزیں توانمند کنگ بوتگ-پاکیں توانائی، نوکیں توانائی ءُ نوکیں صنعتی زنجیر۔ ایشی ءِ تہ ءَ قابل تجدید توانائی ءِ نیمگ ءَ رھادگ بوھگ، سبزیں ٹیکنالوجی آنی دیمروئی ءُ پائیدار صنعتی ویلیو چین آنی دیمروئی ءِ سر ءَ دلگوشی دیگ بوتگ۔ سیمی بنگپ ءِ تہ ءَ دیمروئی ءِ پائیدار ءِ رسگ – روایتی زند ءِ رہبندانی بدل کنگ بوتگ۔ فورم ءَ ماحول دوستیں رویہ ءِ دیمروئی، کم کاربن ءِ زند ءِ رہبند ءِ زورگ ءُ چاگردی ءُ دود ءُ ربیدگ ءِ قدر ءُ قیمت آنی تہ ءَ پائیداری ءِ سرجم کنگ ءِ ارزشت ءِ سر ءَ زور پر دات۔ خالد تیمور اکرم ءَ ’’چیلنج آنی گیواری ءِ واستہ کمک – جنوبی ایشیا ءَ دمگی اقتصادی یکوئی ءَ را دیمروئی دیگ‘‘ ءِ سرھال ءِ چیر دستی ءَ کلیدی گشتانک دات۔ آئی ءَ وتی گشتانک ءِ تہ ءَ گوشت کہ موسمی بدلی جنوبی ایشیا ءِ واستہ یک مشترکہ ءُ سنگینیں چیلنج انت کہ ایشی ءَ چہ دمگ ءِ معیشت، روزگار ءُ ماحولیاتی نظام ءَ را تاوان رسیت۔ آئی ءَ اے گپ ءِ سر ءَ زور پر دات کہ اے جیڈھ چیا کہ سیمسراں چہ دیم ءَ اَنت ایشانی گیواری ھم ایوک ءَ دمگی کمک ءِ وسیلگ ءَ ممکن اِنت۔ آئی ءَ گیش گوشت کہ بنیاتی ڈھانچہ، قابل تجدید توانائی، پائیدار کشت ءُ کشاری ءُ دمگی تجارت ءِ پڑ ءَ یکجائی کوشست موسمیاتی ءِ رد ءَ دمگی معیشت ءِ جوڑ کنگ ءِ واستہ المی اِنت۔ ایشی ءِ گوما پالیسی ءِ ھمگرنچی، زانت ءِ تبادلہ ءُ یک مشترکہ آفت ءِ گر ءُ دار ءِ نظام ءِ جوڑ کنگ ءِ ضلورت ءِ سر ءَ ھم زور دیگ بوت۔ آئی ءَ اکیڈمک ادارگ، کاروباری شوبگ، سول سوسائٹی ءُ ورنا آنی کرد ءِ سر ءَ ھم زور پر دات ءُ گوشت کہ دمگی کمک ءِ وسیلگ ءَ یکجائی چیلنج آناں سبز دیمروئی، اقتصادی برجائی ءُ دراجیں مدت ءِ برجائی ءِ موہ آنی تہ ءَ بدل کنگ بوت کنت۔ اے گپ ءُ تران ءَ سچوان یونیورسٹی ءُ تریبھوان یونیورسٹی ءِ مزنیں کارندہ، چین ءُ نیپال ءِ سفارتی نمائندگ ءُ ایندگر ماہرین ءَ ھوار جتا جتائیں ھاسیں مردم آنی بھر زوری بوتگ۔ اے گپ ءُ تران ءَ پاکستان، نیپال، بھوٹان، بھارت، مالدیپ ءُ سری لنکا ءَ ھوار جنوبی ایشیا ءِ جتا جتائیں ملک آنی 27 ءِ نزیک ءَ گشتانک دیوکاں بھر زرتگ۔ پی ایچ اے ڈائیلاگ 2026 ءَ مزنیں تک ءِ گپ ءُ تران، زانت ءِ تبادلہ ءُ پالیسی ءِ سرا گپ ءُ تران ءِ واستہ یک موثریں پلیٹ فارم ءِ دات، ایشی ءَ جنوبی ایشیا ءِ واستہ پائیدار، تعاونی ءُ لچکداریں آیوکیں وھد ءِ جوڑ کنگ ءَ مزنیں کرد پیلو کت۔