چاگردی رکھینگ ءِ واستہ ھمک مردم ءُ چاگرد ءَ وتی کرد ءَ پیلو کنگ لوٹ ایت، مزن وزیر ءِ کلوہ ارتھ آور ءِ موہ ءَ گوشت

اسلام آباد۔28مارچ (اے پی پی): مزن وزیر محمد شہباز شریف ءَ زمین ءِ رکھینگ ءَ را اجتماعی ءُ کلیدی ذمہ واری لیکگ ءِ وھد ءَ گوشت کہ چاگردی رکھینگ ءِ واستہ ھر یک مردم ءُ ھر چاگرد ءَ وتی کرد ءَ پیلو کنگ لوٹ ایت۔ مزن وزیر ءَ مرچی شمبے ءِ روچ ءَ برجم دارگ بوھوکیں ارتھ آور ءِ موہ ءَ وتی کلوہ ءِ تہ ءَ راج ءَ گوں دزبندی کتگ کہ اے روچ ءَ شپ ءِ 8:30بج ءَ بگر داں 9:30بج ءَ کم چہ کم یک کلاک ءَ بجلی ءُ غیر ضروری لائٹ آناں بند بہ کن اَنت یا کارمرد بہ کن اَنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ چاگردی چیلنج آنی تہ ءَ پُریں اے دور ءَ ارتھ آور مارا یات ءَ دنت کہ زمین ءِ رکھینگ مئے درست آنی یک مشترکہ ءُ کلیدی ذمہ واری اِنت۔ اے سال ءَ زمینی ساعت ”زمین ءِ واستہ یک ساعتے ندر کن اِت“ ءِ سرھال ءِ چیر دستی ءَ برجم دارگ بوھگ ءَ اِنت کہ ایشی ءِ مول ءُ مراد چاگردی رکھینگ، توانائی ءِ جوانیں کارمردی ءُ موسمی بدلی ءِ بابت ءَ سرپدی پیداک کنگ اِنت۔ زمین ءِ وھد ایوک ءَ علامتی اظہار نہ اِنت بلکیں یک جھان ءِ پیمانہ ءِ سر ءَ ھیال ءُ لیکہ ءِ یک ساھتے کہ پائیدار ءُ لچکداریں چاگردی آیوکیں وھد ءِ ھاتر ءَ نوکیں عزم ءِ موہ ءَ دنت۔ مزن وزیر ءَ گوشت کہ ارتھ آور ءِ پیغام کال ٹو ایکشن اِنت ءُ ایوک ءَ چراگ آنی بند کنگ ءَ گوں بندوک نہ اِنت بلکینگ ءَ ھمک مردم ءُ ھمک چاگرد ءَ را چاگردی رد ءَ ذمہ وار ءُ رکھینگ ءِ بنیات ءَ را وتی کنگ ءِ واستہ دلبڈی دیگ بیت۔ اے وڑیں شعوری کارانی مجموعی اثر یک مزنیں مثبت سماجی بدلی یے ءِ سوب جوڑ بیت۔ آئی ءَ گوشت کہ موسمیاتی مٹ ءُ بدلی ءُ چاگردی ھرابکاری ءِ گر ءُ دار ءِ واستہ ما مرچی ھما پیسلہ آں آیوکیں باندات آنی باندات ءِ جار ءَ جنت۔ مزن وزیر ئَ گوشت کہ پاکستان ئَ چاگردی آیوکیں وھد ئَ جیڑگ ئِ جاور ھال آنی دیمپانی انت۔ اگاں چہ گلوبل وارمنگ ءِ سبب جوڑ بوتگیں زیانکاریں گیسانی درآمد کنگ ءِ تہا پاکستان ءِ بہر یک درسد ءَ چہ کم اِنت بلے مئے ملک اے موسمیاتی بحران ءِ اولی آماچیں ملکانی تہا ھوار اِنت۔ شدیدیں سیلاب، موسمیاتی بدلی ءِ سبب ءَ موسمیاتی بدلی ءُ تباہ کنوکیں ھشک سالی ءِ وڑیں آفت مئے روچ مرزی زند، وردن ءُ وراک ءُ آپ ءِ رسگ ءُ آھانی زِر ءَ ایر کنگ ءِ ھاترا بنیاتی ڈھانچہ ءَ را ھترہ ءِ آماچ کن اَنت۔ حکومت اے چیلنج آنی گیواری ءِ واستہ موسمیاتی دیمروئی ءِ ایجنڈا ءِ سر ءَ کار کنگ ءَ اِنت۔ ایشی ءِ تہ ءَ آپی نظام ءُ زرعی شوبگ ءِ اصلاحات، توانائی ءِ چاگرد دوستیں متبادل وسیلگ آنی تہ ءَ سرمایہ کاری، سبز ٹیکنالوجی ءِ دیمروئی، شہری نظام ءِ گہتری ءُ ماحولیاتی نظام ءِ رکھینگ ءِ واستہ موسمیاتی نظام ءِ موثر گامگیج ھوار اَنت۔ آئی ءَ گوشت کہ چاگرد ءِ بحالی ءُ پائیدار آیوکیں وھد ءِ جوڑیشت ءِ واستہ حکومت ءِ عملی گامگیج آنی تہ ءَ ’’اپسکیلنگ گرین پاکستان پروگرام‘‘، ’’زندگیں سندھ ءِ گامگیج‘‘ ءُ ’’ریچارج پاکستان‘‘ ءِ وڑیں منصوبگ ءُ سیلاب ءَ چہ آماچیں دمگ آنی تہ ءَ نوکیں وارننگ سسٹم ءِ ایر کنگ ھوار انت۔ آئی ءَ مارا جھان ءِ مہم ءَ ھوار بوھگ ءِ دعوت دات۔ بیا اِت مرچیگیں چاگرد دوستیں پیغام ءَ را یک دائمی رھبندے ءِ تہ ءَ بدل کن اِیں ءُ پہ وت ءُ آیوکیں نسل آنی واستہ سبز، ایمن ءُ مھکم ءُ تابکاریں پاکستان ءِ بُن ھشت ایر کن اِیں۔