راجی اسمبلی ءِ اسپیکر سردار ایاز صادق ءِ پنت ءُ شون ءِ سرا پارلیمنٹ گس ءِ ڈن ءَ ارتھ آور 2026 ءِ مراگش برجم دارگ بوت

اسلام آباد۔28مارچ (اے پی پی): راجی اسمبلی ءِ اسپیکر سردار ایاز صادق ءِ پنت ءُ شون ءِ سرا پارلیمنٹ گس ءِ ڈن ءَ مراگش برجم دارگ بوت۔ اے موہ ءِ سر ءَ راجی اسمبلی ءِ اسپیکر سردار ایاز صادق ءَ گوشت کہ ارتھ آور ءِ برجم دارگ ءِ مول ءُ مراد چاگردی پائیداری ءِ جزم ءِ پدا پدر کنگ اِنت۔ پارلیمنٹ ایوان ءَ توانائی ءِ رکھینگ ءِ گامگیج آنی سر ءَ سک باز عمل کنگ بوھگ ءَ اِنت۔ ارتھ آور ءِ جھان ءِ مہم ءِ رد ءَ مرچی شپ ءِ 8:30 ءَ بگر داں 9:30 ءَ پارلیمنٹ ہاؤس ءِ چراگ بند کنگ بوتگ اَنت۔ زمینی ساعت ایوک ءَ یک ساعتے ءِ علامت نہ اِنت بلکیں زمین ءِ رکھینگ ءِ ھاترا اجتماعی عزم ءِ دوبر پدر کنگ اِنت۔ آئی ءَ گوشت کہ ھمک سال ءِ وڑ ءَ اے سال ءَ ھم پارلیمنٹ گس ءِ غیر ضروری چراگ یک کلاک ءِ واستہ بند کنگ بوھگ ءَ انت۔ کسانیں انفرادی گامگیج اجتماعی سطح ءِ سرا مزنیں ءُ پائیداریں اثرات پیدا کن انت۔ اسپیکر راجی اسمبلی ءَ گوشت کہ موسمی مٹ ءُ بدلی ءِ سبب ءَ پاکستان ءَ جتا جتائیں چیلنج آنی دیم ءَ انت۔ جامع پالیسی ءِ جوڑ کنگ ءُ موثر نفاذ ءِ ھاتر ءَ ماحولیاتی چیلنج آنی گیواری ءِ ھاتر ءَ المی انت۔ آئی ءَ گوشت کہ وھد ءِ سر ءَ گامگیج آیوکیں باندات آنی واستہ ایمن ءُ مھکمیں باندات ءَ را دل یکیمی کنگ بوت کنت، ھوا ءِ آلودگی ءَ را کم کنگ ءُ تاوان باریں گیس آنی کشگ ءَ را کم کنگ وھد ءِ ضلورت اِنت۔ سردار ایاز صادق ءَ گوشت کہ قدرتی وسیلگ آناں پائیدار کارمرد کنگ ءُ چاگرد دوستیں رھبند آنی دیمروئی ناگزیر اِنت، چاگرد ءِ رکھینگ چاگرد ءِ درستیں تک ءُ پھنات آنی یکجائی ذمہ واری اِنت، چاگرد دوستیں رھبند ءَ را روچ مرزی زند ءِ تہ ءَ وتی کنگ المی اِنت، پاکستان ءِ نیمگ ءَ چہ سبز ءُ وشھالیں ملک ءِ واب ءِ دیم ءَ آرگ بہ بیت۔ چپ. آئی ءَ گوشت کہ ارتھ آور ءَ را ایوک ءَ علامت ءِ رنگ ءَ مہ لیک ایت بلکیں ایشی ءَ را دائمی ذمہ واری ءِ رنگ ءَ بہ زیر ایت۔ اسپیکر راجی اسمبلی ءَ اے درگت ءَ ڈبلیو ڈبلیو ایف ءِ چاگردی سرپدی مہم ءَ را ھم ساڑات۔