وفاقی وزیر خزانہ اورنگزیب ءَ پٹرولیم ءِ چیز آنی جاور ھال ءِ ھوالگ ءَ مزن تک ءِ مشاورتی دیوان ءِ سروکی کنگ ءَ انت

اسلام آباد۔27مارچ (اے پی پی): وفاقی وزیر ءِ ھزانگ ءُ آمدنی سینیٹر محمد اورنگزیب ءِ سروکی ءَ پٹرولیم ءِ چیز آنی جاور ھال ءِ ھوالگ ءَ مزن تک ءِ مشاورتی دیوان برجم دارگ بوت۔ وزارت خزانہ ءِ نیمگ ءَ جاڑی بوتگیں پریس ریلیز ءِ رد ءَ دیوان ءِ بندات ءَ پٹرولیم ڈویژن ءِ نیمگ ءَ ملک ءَ پٹرولیم مصنوعات ءِ دستیابی ءِ استیں جاور ھال آنی بابت ءَ سرجمیں بریفنگ دیگ بوت ءُ اے گپ ءِ سر ءَ دل یکیمی کنگ بوت کہ سرجمیں ملک ءَ ایندھن ءِ سپلائی مھکم ءُ جوان انت۔ وزارت انفارمیشن ٹیکنالوجی ءُ ٹیلی کمیونیکیشن ءَ پٹرولیم ءِ چیز آنی واستہ ٹارگٹڈ سبسڈی ءِ نظام ءَ را آسان کنگ ءِ واستہ پیش کرتگیں تکنیکی حل ءِ سر ءَ ھم سرجمیں بریفنگ داتگ ات، ایشی ءِ تہ ءَ شفافیت ءُ موثر ترسیل ءِ سر ءَ ھاسیں دلگوشی دیگ بوتگ ات۔ صوبائی سروکی ءَ استیں جاور ءُ پالیسی آپشن آنی بابت ءَ وتی حیال ءُ لیکہ درشان کت انت۔ سندھ ءِ سر وزیر سید مراد علی شاہ ءَ ایندھن ءِ بے رکاوٹیں سپلائی ءَ را برجائی ءِ واستہ وفاقی حکومت ءِ کوشست آناں ساڑات ءُ ایندھن ءِ رکھینگ ءِ دیمروئی ءِ واستہ رویہ ءِ بدلی ءِ ارزشت ءِ سر ءَ زور پر دات۔ پنجاب حکومت ءِ نمائندگی ءَ پنجاب ءِ سینئر وزیر مریم اورنگزیب ءَ پٹرولیم ءِ نرخانی بدل بوھگ ءِ رد ءَ یک ءَ چہ گیش پالیسی ءِ منظرنامہ جوڑ کنگ ءِ ضلورت ءِ سر ءَ زور پر دات۔ آئی ءَ گوشت کہ میاں اوستمانی نرخ آنی تہ ءَ ھرچ وڑیں کمی ءَ را صارفین ءَ را جوانیں رنگ ءَ سر کنگ بہ بیت ءُ اے گپ ءِ سر ءَ زور پر دات کہ بحران ءِ انتظام ءِ تہ ءَ رویہ ءِ تک ءُ پھنات آناں ھوار کنگ گیش پائیداریں کھپت ءِ رجحان آناں را دل یکیمی کنگ ءِ واستہ المی اِنت۔ خیبر پختونخوا ءِ ھزانگ ءِ وزیر مزمل اسلم ءَ وفاقی ھزانگ ءِ وزیر سینیٹر محمد اورنگزیب ءُ پٹرولیم ءِ وفاقی وزیر علی پرویز ملک ءِ کوشست آناں ساڑات ءُ گوشت کہ پاکستان ءَ پٹرولیم ءِ سپلائی ءِ انتظامی دمگ ءِ بازیں ملک آنی چہ شرتر بوتگ۔ گند ءُ نند ءَ بلوچستان ءِ حزانگ ءُ معدنیات ءِ وزیر میر شعیب نوشیروانی ءَ ہم وتی حیالات درشان کتگ انت۔ فنانس ڈویژن ءَ شریکیں مردم آناں مالی جاور ھال آنی بابت ءَ سرپد کت ءُ سرپد کت کہ مالیاتی گنجائش کم انت ءُ گیشتر پٹرولیم لیوی ءَ چہ پیداکیں آمدنی ءَ را محدود انت۔ اے گپ ءِ سر ءَ زور دیگ بوت کہ ھرچ ریلیف ءِ گامگیج ءَ را اقتصادی استحکام ءِ برجائی ءِ واستہ احتیاط ءَ گوں جوڑ کنگ بہ بیت۔ وزیر ءِ ھزانگ ءَ وتی گشتانک ءِ تہ ءَ گوشت کہ استیں جاور آناں ڈھانچہ ءِ اصلاحات ءِ واستہ اڑاند ءِ بدل ءَ یک موہ ءِ رنگ ءَ چارگ بہ بیت۔ آئی ءَ ٹیکس ءِ نظام ءُ سبسڈی ءِ ڈیزائن ءِ تہ ءَ ڈیٹا ءِ سر ءَ بنیات ءِ سر ءَ پیسلہ کنگ ءِ ارزشت ءِ سر ءَ زور پر دات تانکہ شفافیت ، کارکردگی ءُ ھدف مندیں ریلیف ءَ را دل یکیمی کنگ بہ بیت۔ اے موہ ءِ سر ءَ وزیر ءِ ھزانگ ءَ مالیاتی احتیاط ءِ برجائی ءَ گوں ذمہ واریں ھزانگ ءَ را دیمروئی دیگ ءُ الس ءَ را گیش ءَ چہ گیش ریلیف پجاری ءِ ضلورت ءِ سر ءَ ھم زور پر دات۔ وزیر خزانہ ءَ اے گپ ءِ سر ءَ زور پر دات کہ استیں جاور آناں رکاوٹ ءِ بدل ءَ ڈھانچہ اصلاحات ءِ موہ ءِ رنگ ءَ چارگ بہ بیت۔ آئی ءَ ٹیکس ءِ نظام ءُ سبسڈی ءِ ڈیزائن ءِ تہ ءَ ڈیٹا ءِ سر ءَ بنیات ءِ سر ءَ پیسلہ کنگ ءِ ارزشت ءِ سر ءَ زور پر دات تانکہ شفافیت ، کارکردگی ءُ ھدف مندیں ریلیف ءَ را دل یکیمی کنگ بہ بیت۔ وزیر خزانہ ءَ مالیاتی احتیاط ءِ برجائی ءِ وھد ءَ ذمہ واریں کھپت ءِ رویہ ءَ را دیمروئی دیگ ءُ الس ءَ را گیش ءَ چہ گیش ریلیف پجارینگ ءِ ضلورت ءِ سر ءَ ھم زور پر دات۔ شریکیں مردماں وفاقی ءُ صوبائی حکومت آنی نیام ءَ برجاھیں ھمگرنچی ءَ را دل یکیمی کنگ ءِ وھد ءَ تکنیکی گیواری آنی کارمرد کنگ ءَ ٹارگٹڈ سبسڈی فریم ورک ءَ را گڈی رنگ دیگ ءِ کوشست آناں ترند کنگ ءِ سر ءَ تپاک کت۔ گند ءُ نند ءَ سندھ ءِ سر وزیر سید مراد علی شاہ ءَ شریک کت۔ پنجاب ءِ مزنیں وزیر مریم اورنگزیب، خیبر پختونخوا ءِ وزیر ءِ مالیات مزممل اسلم، بلوچستان ءِ مالیات ءُ معدنیات ءِ وزیر میر شعیب نوشیروانی؛ چاریں استانانی سر سیکرٹری؛ وفاقی وزیر پٹرولیم علی پرویز ملک، وفاقی وزیر انفارمیشن ٹیکنالوجی ءُ ٹیلی کمیونیکیشن شازہ فاطمہ خواجہ، سیکرٹری فنانس، پٹرولیم ءُ آئی ٹی ءُ ٹیلی کمیونیکیشن، نادرا ءِ چیئرمین ءُ دگہ مزنیں کارندہ۔