نائب مزن وزیر ءَ چین ءِ دری کارانی وزیر ءَ گوں فون ءِ سر ءَ مغربی ایشیا ءِ جاور ھال آنی سر ءَ گپ ءُ تران کت، دمگ ءَ بدل بوھوکیں جاور ھال آنی سر ءَ گپ ءُ تران کت

اسلام آباد۔27مارچ (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ گوشت کہ آئی ءَ مرچی چین ءِ دری کارانی وزیر ءُ چین ءِ کمیونسٹ پارٹی ءِ مرکزی کمیٹی ءِ سیاسی بیورو ءِ باسک وانگ یی ءَ گوں فون ءِ سر ءَ مغربی ایشیا ءِ جاور ھال آنی سر ءَ گپ ءُ تران کتگ، ایشی ءِ تہ ءَ دمگ ءِ بدل بوھوکیں جاور ھال آنی سر ءَ گپ ءُ تران کنگ بوتگ۔ جمعہ ءِ روچ ءَ سوشل نیٹ ورک پلیٹ فارم ’’ایکس‘‘ ءِ سر ءَ وتی بیان ءِ تہ ءَ نائب مزن وزیر ءَ گوشت کہ ما میاں اوستمانی ءُ گیشیں دمگ ءَ امن ءُ ایمنی ءِ بحالی ءِ ضلورت ءِ سر ءَ زور پر دات۔ آئی ءَ گوشت کہ گپ ءُ تران ءِ ساھت ءَ اے گپ ءِ سر ءَ تپاک کنگ بیتگ کہ جنگ بندی، امن گپ ءُ تران ءِ پدا بندات کنگ، نا جنگول (سولین) ءِ رکھینگ، سی لین آنی رکھینگ ءُ اقوام متحدہ ءِ منشور ءِ سرجمیں رنگ ءَ پاسداری کنگ ءِ واستہ ھمک کوشست آنی کمک کنگ بیت۔ چین ءِ درئی کارانی وزیر وانگ یی ءَ اے ھوالگ ءَ پاکستان ءِ کوشست آناں ساڑات ءُ سرجمیں رنگ ءَ کمک ءِ دل یکیمی دات۔ نائب مزن وزیر ءَ گوشت کہ ما وتی جزم ءِ ھم پدا زور دات کہ ھمک جیڈھ آنی گپ ءُ تران ءُ سفارتکاری ءِ وسیلگ ءَ گیواری ءِ واستہ کوشست برجاہ بیت۔