کویت ءِ ولی عہد ءَ مزن وزیر ءَ را فون کتگ، ایران ءُ امریکہ ءِ نیام ءَ میانجی داری ءِ پاکستان ءِ کوشست آنی حمایت کتگ

اسلام آباد۔27مارچ (اے پی پی): مزن وزیر محمد شہباز شریف ءَ کویت ءِ ولی عہد شیخ صباح الخالد الحمد الصباح  ءَ را میاں اوستمانی تک ءَ جنگ ءِ ھلاسی ءِ واستہ پاکستان ءِ مخلصیں سفارتی کوشست آنی بابت ءَ اعتماد ءِ تہ ءَ زرتگ وھدے کہ کویت ءِ ولی عہد ءَ امریکی میڈیا ءَ را پاکستان ءِ سرجمیں کمک کتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ را جمعہ ءِ روچ ءَ کویت ءِ ولی عہد شیخ صباح الخالد الصباح ءَ چہ ٹیلی فون کتگ۔ گرم ءُ دوستیں گپ ءُ تران ءِ ساھت ءَ مزن وزیر ءَ کویت ءِ سر ءَ اُرش آنی مذمت ءِ یک رندے پدا گوشت ءُ مشکلیں جاور آنی تہ ءَ کویت ءِ اُلس ءِ گوما پاکستان ءِ سرجمیں یکوئی ءُ کمک ءِ درشان کت۔ آئی ءَ گران بھائیں جانی بیرانی ءِ سر ءَ دل ءِ جہلانکی ءَ رنج ءُ گم ءِ درشانی کتگ ءُ ٹپیگ آنی زوت جان سلامتی ءِ دعا کتگ۔ مزن وزیر ءَ کویت ءِ سروکی ءَ را میاں اوستمانی تک ءَ جنگ ءِ ھلاسی ءِ واستہ پاکستان ءِ دلجمیں سفارتی کوشست آنی ھوالگ ءَ ھم سرپد کت۔ کویت ءِ ولی عہد ءَ مزن وزیر ءِ سروکی ءِ توسیپ کنان ءَ ایران ءُ امریکہ ءِ نیام ءَ میانجی داری ءِ پاکستان ءِ کوشست آنی سرجمیں رنگ ءَ حمایت کتگ۔ آئی ءَ استیں بحران ءِ وھد ءَ کویت ءِ واستہ پاکستان ءِ کمک ءِ سر ءَ مزن وزیر ءِ شگر ءُ منت گپت۔ آئی ءَ مزن وزیر ءِ نیمگ ءَ کویت ءِ سروکی ءَ را گوستگیں وھد ءَ یکوئی ءِ نمدی ءِ سر ءَ ھم منت واری ءِ درشان کت ءُ ھما وھد ءَ کہ جاور ھال گہتر بنت پاکستان ءِ تر ءُ تاب ءِ واھشت ءِ درشان کت۔ مزن وزیر ءَ ولی عہد ءِ شگر ءُ منت گپت ءُ دل یکیمی دات کہ پاکستان خطہ ءَ امن ءُ ایمنی ءِ دیمروئی ءِ واستہ پاکستان وتی جوڑیشت ءِ کرد ءَ برجاہ دار ایت۔