وفاقی محتسب ءَ سندھ ءِ سی ایم ءَ گوں گند ءُ نند کتگ، کراچی ءَ وت مہ وتی مفاد ءِ جیڈھ آنی سر ءَ گپ ءُ تران

کراچی۔ 27 مارچ (اے پی پی): وفاقی محتسب نوید کامران بلوچ ءَ سندھ ءِ سر وزیر سید مراد علی شاہ ءَ گوں گند ءُ نند کت ایشی ءِ تہ ءَ وت مہ وتی واھند ءِ جیڈھ آنی سر ءَ ھیال ریچی کنگ بوت۔ جمعہ ءِ روچ ءَ سی ایم ہاؤس ءِ نیمگ ءَ جاڑی بوتگیں بیان ءِ رد ءَ بنجاھی وزیر ءَ نوید کامران ءَ را وفاقی محتسب ءِ اگدہ ءِ سر ءَ کار کنگ ءِ سر ءَ مبارک بات داتگ وھدیکہ نوید کامران ءَ بنجاھی وزیر ءِ سوگند چست کنگ ءِ مراگش ءَ بھر زوری ءِ سر ءَ منت گپتگ۔ سید مراد علی شاہ ءَ گوشت کہ نوید کامران تجربہ کاریں افسر انت، آ سندھ ءَ گیش علاقائی ءُ ذیلی علاقائی کارگس جوڑ بہ کنت، صوبائی حکومت سرجمی ءَ کمک کنت ۔ نوید کامران بلوچ ءَ گوشت کہ محتسب ءِ ادارگ 660جتائیں وفاقی ادارگ ءُ چیردستی ادارگ آنی حلاف ءَ السی شکایت آنی گیواری ءَ کنت ءُ 60روچ ءِ تہ ءَ انصاف پجاری کنت۔ آئی ءَ گوشت کہ وفاقی محتسب ءِ ادارگ الس ءَ را آزاتیں انصاف پجاری ءِ تہ ءَ جوانیں رہشونی ءَ کنت۔ بُنجاھی وزیر ءَ گوشت کہ سندھ حکومت وفاقی محتسب ءِ پورٹل ءَ گوں وتی حکومتی پورٹل ءَ یکجا کنت۔ وفاقی محتسب ءِ نیمگ ءَ سندھ پورٹل ءَ گوں لنکک کنگ ءَ چہ الس سرپد بیت۔