مزن وزیر ءِ ہدایت : حج کیمپ آنی تہ ءَ سرجمیں حج ءِ معاملہ یکیں روچ ءِ تہ ءَ سرجم کنگ بنت، وزارت ءِ مذہبی کار خرم شہزاد

اسلام آباد۔27مارچ (اے پی پی): مزن وزیر محمد شہباز شریف ءِ ہدایت ءِ پد ءَ وزارت مذہبی امور ءُ بین المذاہب ہم آہنگی ءَ حج ءِ ہرچ ءُ درچ ءِ کم کنگ ءِ واستہ مزنیں پیسلہ کتگ۔ نوں سرجمیں ملک ءَ 10 حج کیمپ آنی تہ ءَ حج ءِ تربیت، ویکسینیشن ءُ سامان ءِ پجارینگ ءَ ھوار درستیں کار یک روچ ءِ تہ ءَ سرجم کنگ بنت۔ اے آسراتی 8 اپریل ءَ چہ اسلام آباد، لاہور، کراچی، پشاور، کوئٹہ، فیصل آباد، ملتان، سیالکوٹ، سکور ءُ رحیم یار خان ءِ حج کیمپ آنی تہ ءَ بندات بیت، اے گامگیج ءَ چہ سرجم ءَ یک لکھ نوزدہ زائرین سیت چست کن اَنت۔ مذہبی امور ءِ جارکش عمر بٹ ءِ رد ءَ زائرین ءِ واستہ ویکسینیشن المی انت کہ ایشی ءِ شیڈول پاک حج ایپ ءِ سر ءَ دست کپ ایت۔ تربیتی سیشن ءِ شیڈول ھم ھمے ایپ ءِ سر ءَ داتگ بیت۔ آئی ءَ گوشت کہ تربیتی عمل ءِ گوما حج زیارت آناں بالی ٹکٹ ءُ ویزہ، پجار ءِ پینڈنٹ، سامان ءِ ٹیگ (ڈیٹا شیٹ) ءُ دوائی آنی پیکنگ ءِ آسراتی پجاری کنگ بیت۔ وزارت ءِ مذهبی امور ءَ حاجی آں ہدایت کتگ کہ آ وتی اصل شناسنامہ ءُ کمپیوٹرائزڈ بانک ءِ رسیداں گوں وتی عکساں بیار انت۔ زائرین ءِ آسراتی ءِ واستہ حج کیمپ آنی تہ ءَ کرنسی نوٹ ءِ بدل کنگ ءِ واستہ ھاسیں بینک کاؤنٹر ھم جوڑ کنگ بیت۔ دراھیں زائرین اے گپ ءَ دل یکیمی بہ کن اَنت کہ آ پاک حج ایپ ءِ سر ءَ داتگیں شیڈول ءِ رد ءَ حج کیمپ ءَ ھوار بہ بنت۔