وفاقی وزیر منصوبہ بندی ءِ گشگ انت کہ اصلاحات ءِ ضلورت انت کہ استان ءُ بنجاہی حکومتانی نیام ءَ اختیارات ءِ دیم دیگ بہ بیت

اسلام آباد۔27مارچ (اے پی پی): وفاقی وزیر منصوبہ بندی، دیمروئی ءُ ھاسیں گامگیج پروفیسر احسن اقبال ءَ گشتگ کہ حکومت ءِ نیمگ ءَ چہ ڈھانچہ ءِ اصلاحات ءِ سرا عمل کنگ بوھگ ءَ انت، صوبہ ءُ بنجاہی حکومت آنی نیام ءَ اختیارات ءِ دیم دیگ ءِ ھاتر ءَ اصلاحات ءِ ضلورت انت۔ اے ھیالانی درشانی آئی ءَ گورننس ءِ گہتری ءِ واستہ ایس ڈی پی آئی ءُ یو این ڈی پی ءِ نیمگ ءَ برجم داشتگیں سیمینار ءَ گوں تران کنان ءَ کت۔ وفاقی وزیر ءَ گوشت کہ پاکستان ءَ ٹیلنٹ، منصوبگ بندی ءُ جوانیں پالیشی آنی کمی نیست، جیڈھ آنی سر ءَ عمل درآمد ءِ تہ ءَ انت، پاکستان ءَ گورننس گہتر کنگ ءِ ضلورت انت، پاکستان ءَ ٹیک آف ءِ واستہ اقتصادی استحکام کارمرد کنگی انت۔ آئی ءَ گوشت کہ گورننس ءِ گہتری ءَ ابید پائیدار دیمروئی ممکن نہ اِنت، ایوک ءَ مھکمیں ادارگ ملک ءَ را مھکم کن اَنت، ھژدہمی آئین ءِ ترمیم ءِ چیر دستی ءَ اختیارات دیم دیگ بوتگ اَنت، بلے اے اختیارات صوبگ آنی نیمگ ءَ چہ بنجاہی حکومت آناں دیم دیگ نہ بوتگ اَنت، صوبگ آنی نیمگ ءَ ضلعی تک ءَ اختیارات دیم دیگ نہ بوتگ اَنت۔ احسن اقبال ءَ گوشت کہ مھکمیں بنجاہی حکومت صوبہ آں گیش مھکم کن اَنت، بجٹ ءَ زرّ ایر کنگ ءَ چہ پیسر آسراتی آنی سر ءَ ھیال ءُ لیکہ کنگ بہ بیت، الس ءَ را جوانیں گورننس پجاری ءِ واستہ بنجاہی حکومت ھاسیں کرد پیلو کنت، جوانیں گورننس ءِ واستہ پاکستان ءَ اصلاحات لوٹ اَنت۔ آئی ءَ گوشت کہ بنجاہی حکومت وانگ ءُ زانگ، جان سلامتی ءُ روزگار ءِ تہ ءَ جوانیں رنگ ءَ کرد پیلو کت کن اَنت، منصوبگ بندی ءِ وزارت ءِ کوشست اِنت کہ اے رنگیں دیمروئی منصوبگ آنی بنگیج ءَ بہ کنت ایشی ءَ چہ اقتصادی برجائی ءَ کمک رسیت۔