مئے ملک پہ دگنیا ءَ یک تجارتی مرکزے جوڑ بوتگ، ایشی ءِ بندرگاہاں کارانی تہ ءَ راجدپتری گیشی ریکارڈ کنگ بوھگ ءَ اِنت، دی پاکستان انڈیکس

اسلام آباد۔27مارچ (اے پی پی): بدل بوھوکیں جھان ءِ ندارگ آنی تہ ءَ ایمن ءُ مھکمیں پاکستان سرمایہ کاری ءُ جھان ءِ تجارت ءِ واستہ دلکشیں منزل جوڑ بوتگ۔ نیٹ سیکورٹی اسٹیبلائزر ءِ گوما پاکستان نوں سرجمیں دگنیا ءِ واستہ تجارتی مرکز جوڑ بوتگ۔ کراچی پورٹ، پورٹ قاسم ءُ گوادر پورٹ ءَ ہوار پاکستانی بندر آنی تہ ءَ چست ءُ ایر آنی تہ ءَ راجدپتری گیشی ریکارڈ کنگ بوتگ۔ دی پاکستان انڈیکس ءِ رد ءَ گوستگیں 24 روچانی تہ ءَ کراچی بندرگاہ ءَ ٹرانس شپمنٹ ءِ تہ ءَ مزنیں گیشی بوتگ کہ اے سرجمیں سال ءِ برابر اِنت۔ بندرگاہ ءَ 2025 ءَ 8300 ءِ نزیک ءَ کنٹینر ءِ کار کتگ ءُ ایوک ءَ گوستگیں 24 روچ ءِ تہ ءَ 8313 کنٹینر ءِ کار کتگ۔ عرب نیوز ءِ رد ءَ عرب خلیج ءَ شپنگ ءِ رکاوٹ ءِ سبب ءَ روٹ آنی بدل بوھگ ءِ سبب ءَ پاکستان ءَ ٹرانس شپمنٹ ءِ کار آنی تہ ءَ مزنیں گیشی بوتگ۔ پاکستان ءَ میاں اوستمانی ٹرانس شپمنٹ ءِ رھبندانی تہ ءَ ترمیم کتگ ایشی ءِ تہ ءَ دریائی ءُ بالی بندرگاہ آنی تہ ءَ کارگو ہینڈلنگ ءِ موہ دیگ بوتگ۔ ٹریڈ کرونکس ءِ رد ءَ ساؤتھ ایشیا پاکستان ٹرمینل ءَ 5286 کنٹینر، ہچیسن پورٹ 1827 ءُ کراچی گیٹ وے ٹرمینل 1200 ءِ ڈیلیوری ءُ پروسیسنگ سرجم کتگ۔ جھان ءِ ماہرین ءِ رد ءَ میاں اوستمانی جنگ ءَ پاکستان ءَ را دائمی ٹرانس شپمنٹ ہب جوڑ بوھگ ءِ زرین موہ داتگ۔ نزیکیں متبادل ءِ شوھازگ ءَ ٹرانس شپمنٹ ءِ ھاتر ءَ پاکستان ءِ جوانیں جاہ ءِ بستار ءَ دگنیا ءِ منگ یک مزنیں سوبمندی یے ۔ ماہرین ءِ رد ءَ پاکستان ءَ مھکمیں سیاسی ءُ اقتصادی استحکام ءُ سروکی ءِ حکمت عملی سرمایہ کار آنی اعتماد ءَ را نوکیں بالاد ءَ سر کنگ ءَ انت۔ سی پیک ءِ مزنیں موہ ءُ نوکیں بنیاتی ڈھانچہ پاکستان ءَ را دمگ ءِ تہ ءَ تجارتی ءُ رسد ءِ مرکز ءِ بستار ءَ مھکم کنگ ءَ انت۔ پاکستان یک ایمن ءُ مھکمیں ملک ءِ رنگ ءَ میاں اوستمانی سرمایہ کاری ءِ واستہ دلکشیں منزل جوڑ بوتگ۔